تفسیر سورۂ ق

الملک نے’’البرھان‘‘ میں قرآنِ مجید کے پچپن(۵۵) نام ذکر کیے ہیں۔جیسے التنزیل، الکریم، المجید، الحکیم وغیرہ ،مگر یہ قرآنِ مجید کی صفات ہیں۔ بطورِ علَم چار نام ہی قرآنِ مجید میں استعمال ہوئے ہیں جیسا کہ امام ابنِ جریر رحمہ اللہ نے فرمایا ہے۔ ’’القرآن‘‘کے اشتقاق کے بارے میں اختلاف ہے۔ حضرت عبد اللہ بن عباس ؓ فرماتے ہیں کہ قرآن، رجحان اور کفران کے وزن پر قَرَأ یَقْرَاُ کا مصد قِرَائَۃٌ اور قُرَآنٌ ہے، اور پڑھنے کے معنی میں ہے،گویا یہ کتاب پڑھنے کے لیے نازل ہوئی ہے اور قیامت تک پڑھی جائے گی، اور یہ بھی حقیقت ہے کہ دنیا میں سب سے زیادہ پڑھی جانے والی یہی کتاب قرآنِ مجید ہے۔ امام شافعی رحمہ اللہ فرماتے ہیں:’’القرآن‘‘ مہموز یعنی قرا ء ت سے مشتق نہیں بلکہ یہ نام اور علَم ہے،جیسے تورات اور انجیل پہلی کتابوں کا عَلم ہے۔ امام شافعی رحمہ اللہ نے فرمایا ہے: میں نے اسماعیل بن قسطنطین سے قرآن پڑھا وہ فرماتے تھے: قرآن، قراء ت سے مشتق نہیں اگر قراء ت سے مشتق ہوتا تو جو کچھ پڑھا جاتا وہی قرآن کہلاتا، بلکہ ’’قرآن‘‘ نام ہے (تاریخ بغداد:ص۶۲ج۲)علامہ سیوطی رحمہ اللہ نے اسے صحیح قرار دیا ہے۔ (الاتقان :ص ۵۱ج۱) امام اشعری رحمہ اللہ نے فرمایا ہے: یہ’’قرن‘‘ سے مشتق ہے ۔عرب جب ایک کو دوسری چیز سے ملاتے تو کہتے قرنت الشی ء بالشی ء قرآن میں بھی سورتیں ، آیات ایک دوسری سے ملائی اور جوڑی گئی ہیں۔ جو جدا جدا نازل ہوئی تھیں۔علامہ زجاج رحمہ اللہ نے کہا ہے کہ قرآن مہموز ہے۔ قرأ سے مشتق ہے جیسے الغفران اور فعلان ہے اور اس کے معنی جمع کرنے کے ہیں، عرب کہتے تھے قرأ الماء فی الحوض پانی حوض میں جمع ہو گیا۔ اور ’’قرآن ‘‘ اس معنی میں کہ اس میں باہم سورتوں کو جمع کیا گیا ہے۔ علامہ راغب رحمہ اللہ نے کہا ہے کہ ہر مجموعہ کو اور مجموعہ کلام کو قرآن نہیں کہا جاتا،بلکہ یہ اس معنی میں ہے کہ اس میں تمام کتبِ سابقہ کے ثمرات ومقاصد کو جمع کر دیا گیا۔ یا اس لیے کہ اس میں تمام علوم جمع ہیں، (الاتقان) گویا علامہ زجاج اور امام اشعری قرآن کو جمع کے معنی میں لیتے ہیں البتہ اس کے