تفسیر سورۂ ق

﴿قٓ وَالْقُرْآنِ الْمَجِیْدِ﴾(ا) ’’ قٓ، قسم ہے قرآنِ مجید کی۔‘‘ قٓ حروف مقطعات میں سے ہے، انتیس ۲۹سورتوں کا آغاز ان حروف سے ہوتا ہے ۔جنھیں علیحدہ علیحدہ اورجداجدا حیثیت سے پڑھا جاتا ہے، جیسے صٓ،نٓ،حٰمٓ،طٰہٰ، طٰسٓ، الٓمّٓ ،الٓرٰ،الٓمّٓرٰ، الٓمّٓصٓ ،کٓھٰیٰعٓصٓ،حٰمٓ عٓسٓقٓ وغیرہ حروف ہیں۔سورتوں کے آغاز میں ان حروف کے بارے میں اہلِ علم کی مختلف آرا ہیں، بعض نے کہا ہے: ان سے قرآن کے اعجاز کی طرف اشارہ ہے، کیونکہ عربی لفظ ایک حرف سے لیکر پانچ حروف سے بنتا ہے ۔ کچھ وہ الفاظ ہیں جو صرف ایک حرفی ہیں، کچھ دوحرفی،کچھ ثلاثی ، کچھ رباعی اور کچھ خماسی ہیں۔ قرآنِ مجید میں بھی یہ حروف اسی اسلوب میں ہیں، کچھ ایک حرفی ہیں،جیسے صٓ، نٓ، قٓ۔ کچھ دو حرفی ہیں جیسے حٰمٓ، طٰہٰ، یٰسٓ، طٰسٓ۔ کچھ تین حرفی ہیں، جسے الٓمّٓ ،الٓرٰکچھ چار حرفی ہیں جیسے الٓمّٓر، الٓمّٓصٓ اور کچھ پانچ حرفی ہیں جیسے حٰمٓ عٓسٓقٓ، کٓھٰیٰعٓصٓ اور یہ قرآن کے اعجاز پر دلالت کرتے ہیں کہ عربی کلام انھی پانچ نوعیت کے الفاظ پر مشتمل ہے،قرآنِ پاک بھی انھی حروف پر مشتمل ہے۔ گویا اللہ تعالیٰ کی طرف سے اہلِ عرب کوچیلنج ہے کہ اے اہلِ عرب! تمھیں اپنی فصاحت و بلاغت پر ناز ہے، قرآن کو کلامِ الہٰی تسلیم نہیں کرتے ہو، اسے شاعر کا کلام سمجھتے ہو، تو اٹھو تم قرآن جیسی ایک سورت ہی بنا لاؤ،تمھاری تمام تر لن ترانیوں کے باوجود ہم واشگاف الفاظ میں تمھیں خبردار کرتے ہیں کہ تم کیا، سب جن وانس مل کر بھی قرآن کی ایک سورت جیسی کوئی سورت نہیں بنا سکتے ۔ یہ رائے امام رازی ، امام مبرد ، امام الفراء، علامہ زمخشری، شیخ الاسلام ابن تیمیہ ،علامہ المزی رحمہم اللہ کی ہے۔ اور حافظ ابن کثیر رحمہ اللہ کا بھی یہی رجحان ہے، فرماتے ہیں :کہ یہی وجہ ہے کہ عموماً ان حروف کے بعد قرآنِ مجید کی عظمت کا ذکر ہے۔ جیسے: ﴿الٓمّٓoذٰلِکَ الْکِتَابُ لَارَیْبَ فِیْہِ۔﴾﴿الٓمّٓo اللّٰہُ لَآاِلٰہَ اِلَّا ھُوَ الْحَیُّ الْقَیُّوْمُoنَزَّلَ عَلَیْکَ الْکِتَابَ بِالْحَقِّ مُصَدِّقًالِّمَابَیْنَ