سنت کی روشنی اور بدعت کے اندھیرے کتاب وسنت کے آئینہ میں

کتاب: سنت کی روشنی اور بدعت کے اندھیرے کتاب وسنت کے آئینہ میں مصنف: ڈاکٹر سعید بن علی القحطانی پبلیشر: مكتب توعية الجاليات قبه ترجمہ: ابو عبد اللہ عنائت اللہ بن حفیظ السنابلی مقدمہ از مترجم الحمد للّٰہ رب العالمین والصلاۃ والسلام علی محمد المبعوث رحمۃ للعالمین، أما بعد: سنت نبوی صلی اللہ علیہ وسلم وحی الٰہی کا دوسرا جز ہے ، جو قرآن کریم کی تفسیر اور اس کی شرح وبیان ہے، اسلام میں سنت کی حیثیت سکہ کے دوسرے رخ کی ہے جس کے بغیر چارۂ کار نہیں ، سنت نبوی کا منکر بعینہ اسی طرح کافر اور خارج ازاسلام ہے جس طرح قرآن کا منکر، سنت نبوی انصاف کا وہ آئینہ ہے جس میں دنیاکا ہر شخص اپنے عیوب کو دیکھ کر اس کی اصلاح کر سکتا ہے، سنت نبوی کی اسی اہمیت کے پیش نظر اللہ تبارک وتعالیٰ نے بے شمار مقامات پر نبی کریم صلی اللہ علیہ وسلم کی اطاعت واتباع کا حکم دیا ہے، اور اس پر بیش بہا انعامات کا وعدہ فرمایا ہے۔ سنت کے بالمقابل ’’بدعت ‘‘ ہے ، جسے قرآن کریم اور احادیث نبویہ میں سراپا ضلالت وگمراہی سے تعبیر کیا گیا ہے، اور اس کی ایجاد کرنے اور اس پر عمل