سنت کی روشنی اور بدعت کے اندھیرے کتاب وسنت کے آئینہ میں

پہلا مبحث:سنت کا نور پہلا مطلب: سنت کا مفہوم سنت کے کچھ اہل (متبع اور پیروکار) ہیں ، اور ان کا ایک مخصوص عقیدہ ہے، نیز وہ حق پر متفق ہیں ۔ لہٰذا مناسب ہے کہ سب سے پہلے میں ’’عقیدۃ أہل السنۃ والجماعۃ ‘‘میں شامل تینوں الفاظ کی تشریح کردوں ۔ عقیدہ کا لغوی و اصطلاحی مفہوم: عقیدہ کا لغوی مفہوم: لفظ ’’عقیدہ‘‘ ’’عقد‘‘ سے ماخوذ ہے، جس کے معنی باندھنے، اور مضبوط گرہ لگانے کے ہیں ، اور اسی سے پختگی و پیوستگی، جماؤ اور ہم آہنگی بھی ہے، عربی زبان میں کہا جاتا ہے’’عقد الحبل یعقدہ‘‘ یعنی رسی کو مضبوطی کے ساتھ باندھا ، اسی طرح کہا جاتاہے’’عقد العھد