سچے خوابوں کے سنہرے واقعات

فرماتے ہیں کہ 1943 ء میں جیل ہی میں میری آنکھوں میں درد شروع ہوگیا اور آہستہ آہستہ تکلیف بڑھتی گئی۔ اچھے اچھے ڈاکٹروں سے علاج کرایا کوئی افاقہ نہ ہوا۔ کہتے ہیں: ایک دن میں نے دل میں تہیہ کرلیا کہ اب کوئی علاج نہیں کراؤں گا جو اللہ کو منظور ہے ہوجائے گا۔ اس فیصلہ پر ایک ہفتہ گزرا ہوگا کہ رات کو خواب میں گتے کا ایک بڑا سا بورڈ میرے سامنے آیا۔ اس پر قرآنی آیات لکھی ہوئی تھیں، جن میں سے میں نے ایک آیت یاد کرلی(مولانا صاحب نے وہ آیت مجھے بتائی تھی لیکن افسوس کہ وہ بھول گئی۔) اس کے فوراً بعد آنکھ کھلی تو وہ آیت میری زبان پر جاری تھی۔ میں نے اس خواب کی تعبیر یہ سمجھی کہ یہ آیت پڑھ کر پانی پر دم کرنا چاہیے اور پھر وہ پانی آنکھوں پر ڈالنا چاہیے، ان شاء اللہ اس سے افاقہ ہوگا، چنانچہ چند روز میں نے عمل کیا تو آنکھوں کی تکلیف رفع ہوگئی۔ اس کے بعد میں نے بعض اور لوگوں کو بھی یہ عمل بتایا، ان کی تکلیف بھی اللہ نے رفع کردی۔[1] معلوم نہیں وہ آیت کون سی تھی۔ بہرحال اگر اس آیت کا ورد کیا جائے اللہ تعالیٰ شفا دے گا﴿فَكَشَفْنَا عَنْكَ غِطَاءَكَ فَبَصَرُكَ الْيَوْمَ حَدِيدٌ ﴾’’چنانچہ ہم نے تجھ سے تیرا پردہ دور کردیا توتیری نگاہ آج بہت تیز ہے۔‘‘ [2] شیخ الحدیث مولانا نیک محمد رحمہ اللہ کا خواب مولانا نیک محمد بڑین آزاد کشمیر کے رہنے والے تھے۔ یہ بڑے نیک اور ولی اللہ عالم دین تھے۔ غزنوی مدرسہ امرتسر سے انھوں نے غزنوی علماء مولانا عبد الجبار غزنوی، مولانا عبداللہ ولی غزنوی، مولانا عبدالواحد غزنوی اور مولانا عبدالرحیم غزنوی رحمہم اللہ سے تعلیم حاصل کی تھی۔ تعلیم حاصل کرنے کے بعد مولانا سید عبدالجبار غزنوی رحمہ اللہ کے کہنے پر یہ

[1] نقوش عظمت رفتہ، از مولانا محمد اسحاق بھٹی، ص: 31۔ [2] قٓ 22:50۔