سچے خوابوں کے سنہرے واقعات

یَصِحَّ رَأْسُہُ کَمَا کَانَ، ثُمَّ یَعُودُ عَلَیْہِ فَیَفْعَلُ بِہٖ مِثْلَ مَا فَعَلَ مَرَّۃَ الأُْولٰی قَالَ: قُلْتُ لَہُمَا: سُبْحَانَ اللّٰہِ مَا ہٰذَانِ؟ قَالَ: قَالَا لِي: اِنْطَلِقْ……)) ’’رات میرے پاس دو آنے والے آئے۔ انھوں نے مجھ سے کہا: چلیے! میں ان دونوں کے ساتھ چل پڑا، تو وہ ایک لیٹے ہوئے شخص کے پاس گئے۔ اس کے پاس ایک دوسرا شخص پتھر لیے کھڑا تھا۔ وہ اس کے سر پر پتھر مارتا تو اس کا سرپھٹ جاتا اور پتھر لڑھک کر دور جا گرتا۔ وہ شخص اس پتھر کے پیچھے جاتااور اُسے اٹھالاتا۔ اور اس لیٹے ہوئے شخص تک پہنچنے سے پہلے ہی اس کا سر اسی طرح ٹھیک ٹھاک ہوجاتا جیسا کہ پہلے تھا۔ کھڑا ہوا شخص پھر اس کے سر پر پتھر مارتا اور وہی صورت پیش آتی جو پہلے پیش آئی تھی۔ میں نے ان دونوں سے پوچھا: یہ دونوں کون ہیں؟ سبحان اللہ! مجھے لے جانے والے دونوں کہنے لگے: آیئے چلیے! (وہ دونوں آپ کو لے کر چل دیے اور آپ کو مختلف مناظر کا مشاہدہ کرایا۔ پھر انھوں نے آپ کو ان کی حقیقت حال بتائی اور کہا:) جس کا سر پتھر سے کُچلا جارہا تھا، یہ وہ شخص تھا جو قرآن سیکھتا تھا اور پھر اسے چھوڑ دیتا تھا اور فرض نماز چھوڑ کر سوجاتا تھا ۔‘‘[1] اس حدیث میں قرآن مجید کی عظمت بیان کی گئی ہے۔ قرآن مجید یاد کرکے بھلانا نہیں چاہیے۔ چونکہ اس نے سب سے بڑی عظمت والی کتاب کو پس پشت ڈالا۔ اس لیے اس کے جسم میں سے عظمت والے حصے ’’سر‘‘ کو کچل دیا گیا۔[2] فرض نماز کا چھوڑنا بھی بہت بڑا جرم ہے۔ قرآن مجید اور فرض نمازکی طرف سے غفلت کی وجہ سے اسے سخت سزا دی گئی۔ فرض نمازوں میں قرآن مجید پڑھا جاتا ہے، وہ مضروب شخص اسے اہمیت نہیں دیتا تھا۔

[1] صحیح البخاري، حدیث: 7047۔ [2] فتح الباري: 12؍556۔