کتاب: سوئے حرم حج و عمرہ اور قربانی کے احکام و مسائل - صفحہ 333
’’مسجدِ خیف میں ستّر انبیاء علیہم السلام نے نماز پڑھی ہے۔‘‘
منیٰ میں قیام کے دوران نمازِ ظہروعصر اور عشاء قصر کرکے (دوگانہ) پڑھنا مسنون ہے کیونکہ صحیحین، سنن ابو داود و نسائی اور مسند احمد میں حضرت ابن مسعود رضی اللہ عنہ سے مروی ہے:
(( صَلّیْتُ مَعَ رسُوْلِ اللّٰہِ صلي اللّٰه عليه وسلم بِمِنَیٰ رَکْعَتَیْنِ وَ َمعَ اَبِیْ بَکْرٍرضي اللّٰه عنه رَکْعَتَیْنِ وَ مَعَ عُمَرَرضي اللّٰه عنه رَکْعَتَیْنِ )) [1]
’’میں نے نبی صلی اللہ علیہ وسلم ، حضرت ابوبکر اور حضرت عمر رضی اللہ عنہما کے ساتھ منیٰ میں دو دو رکعتیں پڑھیں۔‘‘
[1] بخاری (۱۰۸۴، ۱۶۵۷) کتاب۔ تقصیر الصلاۃ، و کتاب الحج، مسلم (۵/ ۲۰۴) کتاب ’’صلوۃ المسافرین‘‘ ابو داود (۱۹۶۰) ’’الحج‘‘ نسائی(۳/ ۱۲۰) ’’تقصیر الصلوۃ‘‘