سوئے حرم حج و عمرہ اور قربانی کے احکام و مسائل

’’اے اللہ! میں تیری پناہ مانگتا ہوں، اپنی قوتِ سماعت وشنوائی کی برائی سے اپنی قوتِ بینائی، اپنی زبان، اپنے دل اور مادۂ منویہ کی برائی سے۔‘‘ (ابو داود ، ترمذی ، نسائی ، حاکم) 34۔(( اَللّٰھُمّٰ اِنِّیْ أَعُوْذُ بِکَ مِنْ مُنْکَرَاتِ الْأَخْلَاقِ وَالْأَعْمَالِ وَالْأَھْوَائِ وَ الْأَدْوَائِ )) [1] ’’اے اللہ! میں تیری پناہ مانگتا ہوں، بداخلاقی، بدعملی، حرص وہویٰ اور بیماریوں سے۔‘‘ (ترمذی ، حاکم ،طبرانی ) 35۔ (( اَللّٰھُمَّ اِنِّیْ أَعُوْذُ بِکَ مِنْ قَلْبٍ لَا یَخْشَعُ، وَمِنْ دُعَائٍ لَا یُسْمَعُ، وَمِنْ نَفْسٍ لَا تَشْبَعُ، وَمِنْ عِلْمٍ لَا یَنْفَعُ، أَعُوْذُ بِکَ مِنْ ھٰؤُلٓائِ الْاَرْبَعِ )) [2] ’’اے اللہ! میں پناہ مانگتا ہوں، ایسے دل سے جس میں خشیت وڈر نہ ہو ، ایسی دعا سے جو قبول نہ ہو، ایسے نفس سے جو سیر نہ ہو ، ان چاروں سے میں تیری پناہ مانگتا ہوں۔‘‘ (ابو داود، نسائی، ابن ماجہ، حاکم)

[1] اس دعا کو ترمذی (۳۵۹۱) ’’الدعوات، باب دعاء أم سلمہ‘‘ ابن حبان (۲۴۲۲) طبرانی نے ’’الدعا‘‘ (۱۳۸۴) میں، حاکم (۱/ ۵۳۲) اور بزار (۳۲۰۹، مختصراً) نے روایت کیا ہے۔ امام ترمذی نے اس کو حسن جبکہ ابن حبان، حاکم اور ذہبی نے اسے صحیح کہا ہے۔ [2] ابو داود (۱۵۴۸) ترمذی (۳۴۸۲) نسائی (۸/ ۲۵۵، ۲۶۳، ۲۶۳، ۲۶۴، ۲۸۴، ۲۸۵) ابن ماجہ (۳۸۳۷) حاکم (۱/ ۱۰۴) یہ دعا ابو داود، نسائی، ابن ماجہ اور مستدرک میں ابوہریرہ رضی اللہ عنہ سے، ترمذی اور اسی طرح نسائی میں بھی عبداللہ بن عمرو رضی اللہ عنہما اور نسائی و مستدرک حاکم میں انس رضی اللہ عنہ سے بھی مروی ہے۔ اسی طرح مسلم (۱۷/ ۴۱) میں یہ دعا زید بن ارقم رضی اللہ عنہ سے بھی مروی ہے۔ ان کی حدیث میں اس سے پہلے دیگر کلمات کا بھی اضافہ ہے۔