سماع و قوالی اور گانا و موسیقی (کتاب وسنت اور سلف امت کی نظر میں )

مطالعہ کریں۔ پہلی آیت: اس سلسلہ میں پہلی آیت سورۃ لقمان کی آیت:۶ ہے جس میں ارشادِ الٰہی ہے: ﴿وَ مِنَ النَّاسِ مَنْ یَّشْتَرِیْ لَہْوَ الْحَدِیْثِ لِیُضِلَّ عَنْ سَبِیْلِ اللّٰہِ بِغَیْرِ علِمٍْ وَّ یَتَّخِذَہَا ہُزُوًا أُولٰٰٓئِکَ لَہُمْ عَذَابٌ مُّہِیْنٌ﴾(سورۂ لقمان:۶) ’’ اور لوگوں میں سے بعض ایسے ہیں جو لغو باتیں خریدتے ہیں تاکہ[لوگوں کو]بے علمی کے ساتھ اللہ کے راستے سے گمراہ کریں،اور اس[دین]سے استہزاء و مذاق کریں۔یہی لوگ ہیں جنھیں ذلیل کرنے والا عذاب ہوگا۔‘‘ تفسیرِ نبوی صلی اللہ علیہ وسلم: اس آیت میں وارد کلمہ﴿لَہْوَ الْحَدِیْثِ﴾سے مراد گانا بجانا یا ساز و موسیقی ہے۔ اس بات کا پتہ خود نبی ٔاکرم صلی اللہ علیہ وسلم سے چلتا ہے چنانچہ معجم طبرانی کبیر میں حضرت ابو اُمامہ رضی اللہ عنہ سے مروی ہے کہ نبی صلی اللہ علیہ وسلم نے فرمایا: ((لَا یَحِلُّ بَیْعُ الْمُغَنِّیَاتِ وَ لَا شِرَائُ ہُنَّ وَ لَا تِجَارَۃٌ فِیْہِنَّ وَ ثَمَنُہُنَّ حَرَامٌ)) ’’ گلوکاراؤں کا خریدنا،بیچنا اور انکی تجارت کرنا حلال نہیں اور انکی قیمت کھانا حرام ہے۔‘‘ اسکے بعد آپ صلی اللہ علیہ وسلم نے فرمایا: ((اِنَّمَا نَزَلَتْ ہٰذِہٖ الْآیَۃُ فِيْ ذَالِکَ)) ’’ یہ آیت اسی[گانے بجانے]کے بارے میں نازل ہوئی ہے۔‘‘ آگے مذکور ہے کہ نبی صلی اللہ علیہ وسلم نے سورۂ لقمان کی یہ آیت:۶ مکمل تلاوت فرمائی،اور پھر