سلسلہ فتاوی علمائے اہل حدیث 3 مجموعہ فتاویٰ محدث العصر علامہ محمد عبد الرحمن مبارکپوری

رسول اﷲ صلی اللہ علیہ وسلم نے فرمایا:اے لوگو! تمام کام جو دوزخ سے بچا کر بہشت میں لے جانے کے موجب تھے،سب کے سب میں نے تم کو بتلا دیے ہیں اور جتنے امور بہشت سے ہٹا کر دوزخ میں لے جانے والے تھے،ان سبھی سے تم کو روک دیا ہے۔ اس کے بعد واضح ہو کہ ’’منتقیٰ الأخبار من أحادیث سید الأخیار‘‘ جو حدیث کی ایک بڑی مشہور و معتبر کتاب ہے،اس میں باب وضع کیا ہے:’’باب نہي المرأۃ أن تلبس ما یحکي بدنھا۔۔۔الخ‘‘ یعنی بیان اس مسئلے کا کہ عورت کو منع ہے کہ وہ بدن کی جھلک ظاہر کرنے والا کپڑا پہنے۔پھر مصنف محقق نے مذکور باب میں اس حدیث کو اخراج کیا: ’’عن أسامۃ بن زید قال:کساني رسول اللّٰه صلی اللّٰه علیہ وسلم قبطیۃ کثیفۃ،کانت مما أھدیٰ لہ دحیۃ الکلبي فکسوتھا أھلي فقال صلی اللّٰه علیہ وسلم:مالک لا تلبس القبطیۃ‘‘ فقلت:یا رسول اللّٰه صلی اللّٰه علیہ وسلم کسوتھا امرأتي۔فقال:مرھا أن تجعل تحتھا غلالۃ،فإني أخاف أن تصف حجم عظامھا‘‘[1] رواہ أحمد۔ حضرت اسامہ کہتے ہیں کہ نبی اکرم صلی اللہ علیہ وسلم نے مجھے ایک قبطی مصری کپڑا قدرے موٹا (تمثیلاً موٹی ململ) پہنایا،پس میں نے وہ اپنی اہلیہ کو پہنا دیا تو نبی اکرم صلی اللہ علیہ وسلم نے فرمایا:تو نے وہ کپڑا کیوں نہیں پہنا؟ میں نے عرض کی:حضور وہ تو اپنی اہلیہ کو پہنا دیا ہے۔فرمایا:اس کو حکم کرو کہ اس کے نیچے موٹا گفدار کپڑا پہن لے،میں ڈرتا ہوں کہ یہ قبطی کپڑا اس کے بدن کے موٹے اعضا کو بیان کرے گا۔ اس حدیث کی تنقید نیل الاوطار (ج:۲،ص:۱۵) میں یوں کی گئی ہے:’’الحدیث أخرجہ أیضاً ابن أبي شیبۃ والبزار وابن السعد والرویاني والبارودي والطبراني والبیہقي والضیاء في المختارۃ‘‘ پھر علامہ شوکانی رحمہ اللہ شارح منتقیٰ،نیل الاوطار (ص:۶۵) میں لکھتے ہیں: ’’وقد أخرج نحوہ أبو داود عن دحیۃ بن خلیفۃ قال أتي رسول اللّٰه صلی اللّٰه علیہ وسلم بقباطي فأعطاني منھا قبطیۃ فقال:اصلاعھا صدعتین فاقطع أحدھما قمیصاً،وأعط الآخر امرأتک تختمر بہ۔فلما أدبر قال:ومر امرأتک تجعل تحتہ ثوباً لا یصفھا۔وفي إسنادہ ابن لہیعۃ،ولا یحتج بحدیثہ،وقد تابع ابن لھیعۃ علی روایۃ ھذہ أبو العباس یحییٰ بن أیوب المصري،وفیہ مقال،وقد أخرج لہ مسلم،واستشھد بہ البخاري۔‘‘ انتھیٰ یعنی حضرت دحیہ کہتے ہیں کہ نبی اکرم صلی اللہ علیہ وسلم کے پاس قباطی مصری باریک کپڑے (تمثیلاً باریک ململیں )

[1] مسند أحمد (۵/۲۰۵) نیل الأوطار (۲/۱۱۵)