کتاب: شرعی احکام کا انسائیکلوپیڈیا - صفحہ 59
وتروں سے سلام پھیرنے کے بعد کی دعاء:
تین دفعہ کہے: ’’سبحان الملک القدوس‘‘ دو دفعہ پست آواز میں۔ (سنن ابو داؤد:۱۴۳۰وھو صحیح)
اور تیسری دفعہ اونچی آواز میں۔ (سنن الدارقطني:۲/۳۱،سنن الکبری للبیھقي:۳/۳۹)
اور آخر میں کہے: ’’رب الملائکۃ والروح‘‘ (سنن الدارقطني:۲/۳۱،سنن الکبری للبیھقي: ۳/۴۰)
نمازِ تہجد:
سیدنا ابو ہریرہ صلی اللہ علیہ وسلم سے روایت ہے کہ رسول اللہ صلی اللہ علیہ وسلم نے فرمایا:
’’أفضل الصلاۃ بعد الفریضۃ: صلاۃ اللیل‘‘ فرض نماز کے بعد سب نمازوں سے افضل تہجد کی نماز ہے۔‘‘ ( صحیح مسلم: ۱۱۶۳)
رسول اللہ صلی اللہ علیہ وسلم نے اس شخص کے لئے رحمت کی دعا کی ہے جو رات کو اٹھاپھر نماز(تہجد) پڑھی اور اپنی عورت کو جگایا پھر اس نے ( بھی ) نماز پڑھی ۔۔
( سنن ابی داود: ۱۳۰۸، وسندہ حسن ، اس حدیث کو حاکم [المستدرک ۱-۴۰۹] ذہبی ، ابن خزیمہ [۱۱۴۸] اور ابن حبان [ ۶۴۶] نے صحیح قرار دیا ہے۔)
سیدہ عائشہ رضی اللہ عنہا رسول اللہ صلی اللہ علیہ وسلم کی رات کی نماز کا غالب معمول بیان فرماتی ہیں کہ:
’’ماکان رسول اللّٰه صلی اللّٰه علیہ وسلم م یزید في رمضان ولا في غیرہ علٰی احدی عشرۃ رکعۃ۔۔۔‘‘
رمضان ہو یا غیر رمضان رسول اللہ صلی اللہ علیہ وسلم گیارہ رکعت سے زیادہ نہیں پڑھتے تھے۔(صحیح البخاری: ۱۱۴۷، صحیح مسلم: ۷۳۸)
نمازِ تراویح:
نماز ِ تراویح گیارہ رکعات ہے ۔