شرعی احکام کا انسائیکلوپیڈیا

۱: فرض ۲: نوافل فرضی نمازیں: یہ دو ہیں: نمازِ مغرب اور نمازِ عشاء نمازِ مغرب: اس میں تین رکعات فرض ہیں۔ ( مسند احمد ۶-۲۷۲ ح ۲۶۸۶۹ وسندہ حسن لذاتہ) سفر میں بھی اس کی تین رکعات پڑھی جاتی ہیں۔ ( صحیح ابن حبان ۴-۱۸۰ ح ۲۷۲۷ ، صحیح ابن خزیمہ ۲-۷۱ ح ۹۴۴ وسندہ حسن ) حالتِ سفر میں تین رکعات پڑھنے پر اجماع بھی ہے۔ ( مراتب الاجماع از ابن حزم ص ۲۴ ، ۲۵) اس پر بھی اجماع ہے کہ مغرب کی نماز غروبِ آفتاب کے بعد واجب ہوتی ہے۔ ( کتاب الاجماع از ابن المنذر مترجم ص ۲۴) جب تک شفق غائب نہ ہو نمازِ مغرب کا وقت رہتا ہے۔ (صحیح مسلم: ۶۱۲) نمازِ عشاء: اس کی چار رکعت فرض ہیں۔ ( مسند احمد ۶-۲۷۲ ح ۲۶۸۶۹ وسندہ حسن لذاتہ) سفر میں اس کی دو رکعات پڑھنی فرض ہیں ۔ ( ایضا وصحیح مسلم: ۶۸۷) اور حالتِ خوف میں ایک رکعت فرض ہے۔ ( صحیح مسلم: ۶۸۷) شفق غائب ہوتے ہی عشاء کا وقت شروع ہو جاتا ہے اور آدھی رات تک رہتا ہے۔(صحیح مسلم: ۶۱۲، نیز دیکھئے:صحیح البخاری: ۵۷۲) اگر نمازی جلدی آجائیں تو جلدی جماعت کروائی جائے اور اگر نمازی لیٹ آئیں تو پھر نماز بھی لیٹ کرو ائی جائے۔ (صحیح البخاری: ۵۶۰)