شرعی احکام کا انسائیکلوپیڈیا

متفرقات مقروض آدمی پر اس صورت میں زکوٰۃ واجب ہے کہ قرض اداکرنے کے بعد اس کے پاس اتنا مال موجود ہے جو نصاب کو پہنچتا ہو۔ جو شخص فوت ہو جائے اوراس پر زکوٰۃ واجب تھی تووصیت اور وراثت پر عمل کرنے سے پہلے زکوٰۃ ادا کریں کیونکہ یہ بھی قرض کی ہی صورت بنتی ہے۔ اللہ تعالیٰ نے فرمایا کہ: ’’اس وصیت کے بعد جو تم کر گئے ہو اور قرض کی ادائیگی کے بعد ‘‘ ( النساء:۱۱) یہ قرض اللہ کا حق ہے اور اسے ادا کرنا زیادہ ضروری ہے۔ رسول اللہ صلی اللہ علیہ وسلم نے فرمایا کہ: ’’ اللہ تعالیٰ کا قرض ادائیگی میں سب سے زیادہ مستحق ہے۔‘‘(صحیح بخاری: ۱۹۵۳، صحیح مسلم: ۱۱۴۸) اگر کسی کو قرض دیا ہے اور اس کے ملنے کی امید ہے تو اپنے پاس موجود رقم کے ساتھ اس کی بھی زکوٰۃ ادا کرنی ہو گی، اگر ایسے شخص کو قرض دیا ہے جس سے ملنے کی امید ہی نہیں تو پھر اس قرض کے ملنے تک قرض شدہ مال کی زکوٰۃ کو مؤخر کر دیا جائے گا، اگر وہ قرض مل گیا تو زکوٰۃ ادا کرنی ہو گی اگر نہ ملا تو زکوٰۃ نہیں۔ (دیکھئے فتاویٰ اسلامیہ ۲/۸۸) عورت کا حق مہر اگر نصاب زکوٰۃ کو پہنچتا ہے تو اس پر بھی زکوٰۃ واجب ہے۔ جو مال حرام ذریعے سے کمایا گیا ہے اس پر زکوٰۃ نہیں ہے۔سونا چاندی کے علاوہ دیگر جواہرات میں