شرعی احکام کا انسائیکلوپیڈیا

داڑھی کے احکام داڑھی رکھنا ہر مسلمان پر فرض ہے: رسول اللہ صلی اللہ علیہ وسلم نے ارشاد فرمایا کہ: عشر من الفطرۃ قص الشارب واعفاء اللحیۃ ۔ ’’دس خصلتیں فطرت میں سے ہیں جن میں سے مونچھیں تراشنا اور داڑھی بڑھانا بھی ہے۔‘‘ (صحیح مسلم:۲۶۱) سیدنا عبداللہ بن عمر رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا کہ: خالفوا المشرکین وفروا اللحٰی واعفو ا لشوارب۔ ’’ مشرکوں کی مخالفت کرو، داڑھیوں کو بڑھا ؤ اور مونچھوں کو پست کرو۔ ‘‘(صحیح البخاري: ۵۸۹۲، صحیح مسلم:۲۵۹) ’’ صحیح بخاری: ۵۸۹۳‘‘ میں یہ الفاظ بھی ہیں کہ: انھکوا الشوارب واعفوا اللحٰی ۔ ’’ داڑھیوں کو بڑھاؤاور مونچھوں کو اچھی طرح کاٹو۔‘‘ سیدنا ابو امامہ رضی اللہ عنہ سے روایت ہے کہ ہم نے کہا:اے اللہ کے رسول( صلی اللہ علیہ وسلم ) اہل کتاب داڑھیوں کو کاٹتے ہیں اور مونچھوں کو چھوڑ دیتے ہیں۔ آپ صلی اللہ علیہ وسلم نے فرمایا: کہ تم مونچھیں کاٹو اور داڑھیاں بڑھاؤ اور اہل کتاب کی مخالفت کرو ۔ (مسند أحمد:۵/۲۶۴وسندہ حسن،حسنہ ابن حجر فتح الباری۱۰/۳۵۴) معلوم ہوا کہ داڑھی رکھنا ہر مسلمان پر فرض ہے اللہ تعالیٰ عمل کی توفیق دے۔ حافظ عبد المنان نور پوری حفظہ اللہ فرماتے ہیں کہ: