شرعی احکام کا انسائیکلوپیڈیا

سے کفار سے مشابہت ہو جاتی ہے اور نبی نے فرمایا ہے: ’’من تشبہ بقوم فھو منھم‘‘ ’’ جو شخص کسی قوم سے مشابہت اختیار کرے گا وہ انھی میں ہوگا۔ ‘‘(أبوداود: ۴۰۳۱ وسندہ حسن،والطحاوي في مشکل الآثار۱/۸۸) بالوں میں تیل لگانا: رسول اللہ صلی اللہ علیہ وسلم جب اپنے بالوں میں تیل لگاتے تو پھر آپ کے جو چند سفید بال تھے نظر نہیں آتے تھے اور جب تیل نہ لگاتے تو یہ بال نظر آتے تھے۔ (صحیح مسلم:۲۳۴۴) اس حدیث سے ثابت ہوا کہ کبھی تیل لگانا چاہئے اور کبھی نہیں لگا نا چاہئے ۔ اگر ضرورت ہو تو دن میں دو دفعہ بھی بالوں میں تیل لگایا جاسکتاہے ۔سیدنا عبداللہ بن عمر رضی اللہ عنہما بعض اوقات دن میں دو دفعہ تیل لگاتے تھے۔ (مصنف ابن ابی شیبہ ۸/۳۹۲ح ۲۵۵۴۹وسندہ صحیح) بالوں میں خوشبولگانا: سیدہ عائشہ رضی اللہ عنہا بیان کرتی ہیں کہ: ’’کنت أطیب رسول اللّٰه صلي اللّٰه عليه وسلم بأطیب مایجد ۔۔۔‘‘ ’’میں رسول اللہ صلی اللہ علیہ وسلم (کے بالوں )میں سب سے اچھی خوشبو لگاتی جو آپ کو دستیاب ہوتی۔‘‘ (صحیح البخاری:۵۹۲۳) اس حدیث پر امام بخاری نے یہ باب باندھا ہے کہ’’باب الطیب في الرأس واللحیۃ‘‘ یعنی: ’’سر اور داڑھی میں خوشبو لگانے کا باب‘‘ ٭: اگر کوئی شخص کسی کو خوشبو دے تو اسے واپس نہیں کرنی چاہئے بلکہ خوشبو لے لینی چاہئے۔ (صحیح البخاری:۵۹۲۹)