کتاب: شرعی طریقہ دم و علاج - صفحہ 38
1۔ شرعی دعاؤوں اور اذکار کی پابندی :
جن لوگوں سے نظربد یا حسد یا جادو وغیرہ کا خوف ہو‘ ان کے شر سے بچنے کے لیے مشروع اذکار دعاؤوں اور وظائف کی پابندی کی جائے۔ رسول اللہ صلی اللہ علیہ وسلم حضرت حسن و حسین رضی اللہ عنہما کو یہ دعاء پڑھ کر اللہ تعالیٰ کی پناہ میں دیا کرتے تھے:
(( اُعُوْذُ بِکَلِمَاتِ اللّٰہِ التَّامَّۃِ مِنْ کُلِّ شَیْطَانٍ وَّھَامَّۃٍ وَّمِنْ کُلِّ عَیْنٍ لاَّمَّۃٍ۔))[بخاری (۳۳۷۱) ]
’’ ہر شیطان اور زہریلے جانورسے اور ہر نظر بد سے اللہ تعالیٰ کے مکمل کلمات کے ساتھ پناہ میں آتا ہوں ۔‘‘
رسول اللہ صلی اللہ علیہ وسلم فرمایا کرتے تھے:یہ تمہارے باپ ابراہیم علیہ السلام کی دعاء ہے ۔ وہ حضرت اسماعیل او رحضرت اسحق رضی اللہ عنہما کو یہ دعاء پڑھ کر پناہ میں دیا کرتے تھے ۔
دوسری دعاء: