شرح تیسیر مصطلح الحدیث

۲۔ اَلْمُعْجَمُ الْاَوْسَطُ: اس کے مؤلف سلیمان بن احمد طبرانی متوفی ۳۶۰ھ ہیں ۔ ۸۔ حدیث غریب کی مشہور تصنیفات: الف:… غَرَائِب مَالِکٍ: یہ امام دار قطنی متوفی ۳۸۵ھ کی تالیف ہے۔ ب: …اَلْاَفْرَادُ : یہ بھی امام دار قطنی رحمہ اللہ کی علمی یادگار ہے۔ ج: …اَلسُّنَنُ الَّتِیْ تَفَرَّدَ بِکُلِّ سُنَّۃٍ مِّنْھَا اَھْلُ بَلْدَۃٍ:یہ امام ابو داؤد سجستانی رحمہ اللہ متوفی ۲۷۵ھ کی تصنیف لطیف ہے۔ مشقی سوالات درج ذیل سوالات کے جواب لکھیں ۔ ۱۔ تواتر کی لغوی اور اصطلاحی تعریف بیان کریں ۔ ۲۔ تواتر کی شروط کیا ہیں نیز متواتر احادیث کا کیا حکم ہے؟ ۳۔ تواتر کی اقسام مثالوں سے واضح کریں ۔ ۴۔ خبرواحد کی نقل کے اعتبار سے کتنی اقسام ہیں نیز مشہورحدیث کے بارے میں ایک مفصل نوٹ لکھیں ۔ ۵۔ حدیث غریب کو حدیث فرد کہنے میں مختلف علماء کے اقوال بیان کریں نیز ان میں راجح قول کون سا ہے؟ ۶۔ اخبا رمتواترہ میں لکھی جانے والی مشہور تصنیفات کے نام بتائیں ۔ ۷۔ حدیث غریب نسبی کی وجہ تسمیہ بیان کریں ۔ ۸۔ حدیث غریب پر نوٹ لکھیں ۔ خالی جگہ کو مناسب الفاظ سے پر کریں ۔ ۱۔ غیر معین افراد کے طریق سے ملنے والی حدیث ……کہلاتی ہے۔ ۲۔ تواتر احادیث کی تعداد……احادیث سے کم ہے۔ ۳۔ لفظ ’’متواتر‘‘ باب تفاعل سے ……کا صیغہ ہے جس کا مطلب ……ہے ۔ ۴۔ مشہور حدیث کے متعلق علامہ ابن دیبغ کی کتاب کا نام ……ہے۔ ۵ …… وہ حدیث ہے جسے صرف ایک راوی نے روایت کیا ہو۔ ۶۔ المستفیض……کا اسم فاعل ہے۔ ۷۔ …… وہ حدیث ہے جس میں غرابت اس کی سند کے کسی درمیانی طبقے میں ہو۔