شرح ارکان ایمان

معلوم ہوا کہ انسان کوا پنے افعال پر قدرت واختیار ہے اور جو کچھ کرتا ہے اپنی قدرت واختیار اور مشیئت سے کرتا ہے کیونکہ اگر انسان اپنے افعال میں مجبورِ محض ہوتا تو وہ ہر اس چیز کا مکلف ہوتا جو اس کی طاقت وگنجائش سے باہر ہے،حالانکہ یہ باطل ہے۔ یہی وجہ ہے کہ اگر انسان سے خطأونسیان اور اکراہ ومجبوری کی حالت میں گناہ سرزد ہوجائے تو اس کی پکڑ نہیں ہوتی،جیسا کہ حدیث شریف میں ہے: عن ابن عباس عن النبی صلی اللّٰہ علیہ وسلم قال ان اللّٰہ وضع عن أمتی الخطأ والنسیان وما استکرھوا علیہ۔ [1] ’’ابن عباس رضی اﷲعنہماآپ ا سے روایت کرتے ہیں کہ آپ ا نے فرمایا کہ بے شک اﷲ تعالیٰ نے میری امت سے خطاء نسیان اور ہر اس چیز سے جس پر مجبور کے گئے ہیں اٹھا لئے ہیں ‘‘ اور اکراہ کے متعلق قرآن کریم میں یوں آیا ہے: ﴿ مَنْ کَفَرَ بِاللّٰہِ مِنْ بَعْدِ إِیْمَانِہٖ إِلاَّ مَنْ اُکْرِہَ وَقَلْبُہٗ مُطْمَئِنٌّ بِالْإِیْمَانِ وَلٰکِنْ مَّنْ شَرَحَ بِالْکُفْرِ صَدْرًا فَعَلَیْھِمْ غَضَبٌ مِّنَ اللّٰہ وَلَھُمْ عَذَابٌ عَظِیْمٌ ﴾ [2] ’’ جو شخص اﷲ پر ایمان لانے کے بعد اسکے ساتھ کفر کرے مگر یہ کہ اس پر جبر کیا جائے اور وہ محض زبان سے کلمہ کفر کہہ دے اور اسکا دل ایمان پر مطمئن ہو تو اسکی کوئی پکڑ نہیں اور لیکن جو کشادہ دلی سے کفر کو قبول کرلے تو ایسے لوگوں پر اﷲ کا غضب ہوگا، اور انکے لئے بڑا عذاب ہے‘‘ معلوم ہوا کہ انسان بالکل مجبور نہیں بلکہ صاحب ِ مشیئت واختیارہے۔

[1] رواہ ابن ماجہ،کتاب الطلاق، باب طلاق المکرہ والناسی،واللفظ لہ/الطبرانی فی المعجم الکبیر ج ۱۱ ص ۱۳۴/ مسند عبداللّٰہ بن عباس :الرقم: ۱۱۲۷۴صححہ الألبانی [2] سورۃ النحل : ۱۰۶