شرح ارکان ایمان

چنانچہ ارشادِ باری تعالیٰ ہے: ﴿ وَمَا تَشَآؤُنَ إِلَّا أَنْ یَّشَآئَ اللّٰہ رَبُّ الْعٰلَمِیْنَ ﴾ [1] ’’ اور تم نہیں چاہ سکتے بغیر اسکے کہ اﷲ چاہے جو تمام جہانوں کا پروردگار ہے‘‘ اب بتایئے انسان اپنے افعال میں مجبورِ محض ہے یا صاحب ِ مشیئت واختیار۔ نمبر۲: دوسرا یہ کہ اﷲتعالیٰ نے انسان کو بعض کام کرنے کاحکم دیا ہے۔جیسے : ﴿ وَ أَقِیْمُوا الصَّلَاۃَ وَآتُوا الزَّکَاۃَ وَارْکَعُوْا مَعَ الرَّاکِعِیْنَ ﴾ [2] ’’اور نماز قائم کرو اور زکوٰۃ ادا کرو اور رکوع کرنے والوں کے ساتھ رکوع کرو‘‘ اوربعض افعال سے اﷲ تعالیٰ نے منع کیا ہے ﴿ وَلَا تَأْکُلُوْا مِمَّا لَمْ یُذْکَرِ اسْمُ اللّٰہ عَلَیْہِ ﴾ [3] اور تم اس گوشت میں سے نہ کھاؤ جس پر اﷲ کا نام نہ لیا گیا ہو‘‘ مگر اس کے باوجود اﷲ تعالیٰ نے انسان کو اس کی طاقت وگنجائش سے زیادہ تکلیف نہیں دی جیسے اﷲتعالیٰ کا فرمان ہے: ﴿ فَاتَّقُوا اللّٰہ مَا اسْتَطَعْتُمْ ﴾ [4] ’’پس جس قدر تم اﷲ سے ڈرسکتے ہو، ڈرتے رہا کرو۔‘‘ ایک دوسرے مقام پر فرمایا: ﴿ وَالَّذِیْنَ اٰمَنُوْا وَعَمِلُوا الصَّالِحَاتِ لَا نُکَلِّفُ نَفْسًا إِلاَّ وُسْعَہَا ﴾ [5] ’’اور وہ لوگ جو ایمان لائے اور نیک عمل کئے ہم کسی کو اسکی طاقت سے زیادہ تکلیف نہیں دیتے‘‘

[1] سورۃ التکویر:۲۹ [2] سورۃ البقرۃ:۴۳ [3] سورۃ الأنعام:۱۲۱ [4] سورۃ التغابن :۱۶ [5] سورۃ الاعراف:۴۲