شرح ارکان ایمان

۵۔ایمان بیوم آخرت۔ ۶۔ایمان بالقدر(تقدیر پرایمان) ایمان ایک ایسی حقیقت ہے جس کے بغیر اخروی نجات اور دخولِ جنت کا کوئی تصور نہیں۔ صحیح بخاری کی ایک طویل حدیث متعلق غزوئہ خیبر جو جناب ابوہریرۃ رضی اللہ عنہ کی روایت سے ہے کے آخر میں رسول اللہ صلی اللہ علیہ وسلم کا یہ فرمان مروی ہے: ’’قم یا فلان فأذن أنہ لایدخل ا لجنۃ إلا مؤمن، ان اللّٰہ یؤید الدین بالرجل الفاجر۔(صحیح بخاری ۴۲۰۳،صحیح مسلم۱۱۱) ’’اے فلاں اٹھو!اور اعلان کردو کہ جنت میں صرف مؤمن ہی داخل ہوگا، باقی بہت سے فاسق وفاجر لوگوں سے اﷲتعالیٰ دین کا کام لے لیتا ہے‘‘ (لیکن بوجہ مؤمن نہ ہونے کے انہیں جنت کا داخلہ عنایت نہیں فرمائے گا) صحیح مسلم میں امیر المؤمنین عمر بن خطاب رضی اللہ عنہ کی روایت سے، جنگ خیبر کے حوالے سے مروی ایک مذکورہ طویل قصہ کے آخر میں رسول اللہ صلی اللہ علیہ وسلم کے یہ الفاظِ مبارک منقول ہیں : ’’یا ابن الخطاب اذھب فناد فی الناس أنہ لایدخل الجنۃ إلا المؤمنون قال فخرجت فنادیت:ألا أنہ لایدخل الجنۃ إلا المؤمنون‘‘ ’’اے خطاب کے بیٹے!جاؤ اور لوگوں میں اعلان کردو کہ جنت میں صرف مؤمن ہی داخل ہوسکیں گے، امیر عمر رضی اللہ عنہ فرماتے ہیں :میں فورا ًنکلا اور بلند آواز سے اعلان کرنے لگا کہ خبردار !جنت میں صرف مؤمن ہی داخل ہوسکیں گے‘‘ صحیح مسلم میں ابوہریرۃ رضی اللہ عنہ سے مروی ہے، رسول اللہ صلی اللہ علیہ وسلم نے ارشاد فرمایا: ’’والذی نفسی بیدہ لا تدخلون الجنۃ حتی تومنوا....‘‘(الحدیث)