شرح ارکان ایمان

ہے ان صف باندھنے والوں کی جو صف بستہ کھڑے ہوتے ہیں پھر ان ڈانٹنے والوں کی جو جھڑک کر ڈانٹتے ہیں پھر انکی جو ذکرِ الہی کی تلاوت کرنے والے ہیں )۔ اور فرشتوں میں سے بعض رحمت کے فرشتے ہیں اور بعض عذاب کے اور کچھ فرشتے ہیں جن کے ذمے عرش کا اٹھانا ہے اور کچھ فرشتے ہیں جو آسمانوں کو نماز، تسبیح وتقدیس سے آباد رکھنے پر مقرر ہیں۔اسی طرح فرشتوں کی دیگر بہت سی اقسام ہیں جنہیں اللہ تعالیٰ کے سوا کوئی شمار نہیں کرسکتا۔ فرشتوں کے حوالے کئے گئے ان اعمال سے کوئی ہر گز یہ نہ سمجھے کہ بس ساری زمین و آسمان کے اختیارات اب فرشتوں کے حوالے ہیں اسی لئے وہ جب چاہیں اور جس طرح چاہیں اور جو بھی چاہیں مخلوقات میں تصرف کردیں حاشا و کلّا بلکہ یہ فرشتے اپنے سپرد کردئیے گئے کاموں میں بھی اللہ تعالیٰ کے حکم کے بغیر ذرہ بھر اختیار نہیں رکھتے بلکہ اللہ تعالیٰ کے حکم کے مطابق ان کاموں کو انجام دیتے ہیں اور وہ بھی اس وقت جب اللہ تعالیٰ چاھتا ہے جیسا کہ اللہ تعالیٰ کا فرمان ہے :۔ ﴿ وَقَالُوا اتَّخَذَ الرَّحْمٰنُ وَلَدًا سُبْحَانَہُ بَلْ عِبَادٌ مُّکْرَمُوْنَ۔ لَا یَسْبِقُوْنَہُ بِالْقَوْلِ وَہُمْ بِأَمْرِہٖ یَعْمَلُوْنَ۔ یَعْلَمُ مَا بَیْنَ أَیْدِیْہِمْ وَمَا خَلْفَہُمْ وَلَا اور کافر کہتے ہیں کہ رحمٰن اولاد رکھتا ہے۔ وہ تو اس سے پاک ہے۔ فرشتے تو اس کے معزز بندے ہیں۔وہ اللہ سے بات کرنے میں پہل نہیں کرتے اور وہ اللہ کے حکم کے مطابق عمل