شرح ارکان ایمان

دے تو وہ فرشتے اسے کہتے ہیں کہ قیامت تک آرام سے سوتے رہو اور کوئی اندیشہ نہ کرو۔ اور اگر مردہ کافرو منافق ہے تو وہ ھکّا بکّا ہو کر کہنے لگتاہے (ہائے افسوس مجھے خبر ہی نہیں )میں لوگوں سے سنتا تھا جو اسی طرح کہتے تھے تو میں نے بھی ان کی طرح کہا مگر مجھے اس کی حقیقت کی خبر نہیں۔ اب اس کا فر ومنافق پر ایک اندھا اور بہرا فرشتہ مسلّط کردیا جاتاہے۔ جو اس کو گرزوں سے مارتاہے کہ اس کی فریاد کو جنّ و انس کے سوا باقی تمام مخلوق سنتی ہے۔ چنانچہ حدیث میں اس طرح آیا ہے:۔ عن البراء بن عازب قال خرجنا مع رسول اللّٰہ صلی اللّٰہ علیہ وسلم فی جنازۃ رجل من الأنصار.... قال ’ویأتیہ ملکان فیجلسانہ فیقولان لہ من ربّک؟ فیقول ربّی اﷲ۔ فیقولان لہ مادینک ؟ فیقول دینی الاسلام۔فیقولان لہ من ھذا الرجل الذی بعث فیکم ؟ فیقول ھو رسول اللّٰہ صلی اللّٰہ علیہ وسلم۔ فیقولان و ما یدریک ؟ فیقول قرأت کتاب اللّٰہ فآمنت بہ و صدقت، زاد فی حدیث جریر فذلک قول اللّٰہ عزّ وجل (یثبت اللّٰہ الذین آمنوا ) الآیۃ۔ حضرت براء بن عازب رضی اﷲعنہ سے روایت ہے کہتے ہیں کہ رسول اللہ کے ساتھ ہم نکلے، ایک انصاری کے جنازے میں .... تو آپ نے فرمایا’کہ اس (مومن) کے پاس دوفرشتے آتے ہیں پھر وہ انکو بٹھاتے ہیں اور وہ فرشتے اس سے پوچھتے ہیں تمہارا رب کون ہے؟ پس وہ کہتا ہے میرا رب اللہ ہے۔ پھر وہ پوچھتے ہیں تمہارا دین کیا ہے؟ پس وہ کہتاہے میرا دین اسلام ہے۔ پھر وہ فرشتے کہتے ہیں یہ کون شخص ہے جو تمہارے درمیان بھیجا گیا ؟ وہ کہتا ہے وہ اللہ کے رسول صلی اللہ علیہ وسلم ہیں۔ فرشتے کہتے ہیں تمہیں کیسے معلوم ہوا ؟ وہ کہتا ہے میں نے اللہ کی کتاب پڑھی تھی پس میں اس پر ایمان لایا اور تصدیق کی۔ حدیثِ جریر میں یہ اضافہ ہے ’کہ