شرح ارکان ایمان

﴿ حَتّٰی إِذَا جَائَ أَحَدَکُمُ الْمَوْتُ تَوَفَّتْہُ رُسُلُنَا وَہُمْ لاَ یُفَرِّطُوْنَ ﴾[1] یہاں تک کہ جب تم میں سے کسی کو موت آجاتی ہے تو اس کی جان ہمارے بھیجے ہوئے فرشتے قبض کرلیتے ہیں اور وہ کوتاہی نہیں کرتے۔ ایک دوسرے مقام پر ارشاد فرمایا: ﴿ وَلَوْ تَرٰی إِذِ الظَّالِمُوْنَ فِیْ غَمَرٰتِ الْمَوْتِ وَالْمَلٰٓئِکَۃُ بَاسِطُوْا أَیْدِیْہِمْ أَخْرِجُوْا أَنفُسَکُمْ، أَلْیَوْمَ تُجْزَوْنَ عَذَابَ الْہُوْنِ ﴾ [2] کاش آپ ان کو دیکھتے جب ظالم موت کی سختیوں میں پڑے ہوئے ہوں گے اور فرشتے اپنے ہاتھ بڑھائے ان سے کہیں گے، اپنی جانوں کو نکالو آج تمہیں ذلت آمیز عذاب دیا جائے گا۔ ایک تیسری جگہ پر ارشاد فرمایا: ﴿ وَلَوْ تَرٰی إِذْ یَتَوَفَّی الَّذِیْنَ کَفَرُوْا الْمَلٰٓئِکَۃُ یَضْرِبُوْنَ وُجُوْہَہُمْ وَأَدْبَارَہُمْ وَذُوْقُوْا عَذَابَ الْحَرِیْقِ ﴾ [3] کاش آپ دیکھتے جب فرشتے کافروں کی روح قبض کرتے ہیں، ان کے چہروں اور پیٹھوں پر مارتے ہوئے کہتے ہیں کہ جلانے والے عذاب کا مزہ چکھو۔ مذکورہ بالاآیات سے صاف معلوم ہوا کہ قبض ارواح کے لئے صرف ملک الموت ہی نہیں بلکہ ان کے بہت سے اعوان (مددگار) بھی ہیں چنانچہ امام ابن جریر طبری رحمہ اللہ ﴿ حَتّٰی إِذَا جَائَ أَحَدَکُمُ الْمَوْتُ تَوَفَّتْہُ رُسُلُنَا وَہُمْ لَا یُفَرِّطُوْنَ﴾ یہاں تک کہ جب تم میں سے کسی کے پاس موت آتی ہے تو ہمارے بھیجے ہوئے

[1] سورۃ الأنعام :۶۱ [2] سورۃ الأنعام :۹۳ [3] سورۃ الأنفال :۵۰