شمع محمدی صلی اللہ علیہ وسلم

اسی طرح کی کھلی کھلی بہت سی مثالیں پیش کی جاسکتی ہیں۔؎ پھر بہار آئی کف ہر شاخ پر پیمانہ ہے ہر روش میں جلوئہ باد صبا مستانہ ہے مقلدین کی خطرناک غلطی جن لوگوں نے باریک بینی سے کام نہ لے کر روایت و درایت میں فرق نہ کیا وہ جس طرح روایت کا چھوڑنا غلط کا ری ہے اسی طرح درایت کا چھوڑنا بھی غلط کاری سمجھ بیٹھے او ر اسی لئے جن آئمہ کی نسبت ان کی اعتقادی سپرٹ بڑھ گئی ان کی درایت کا ماننا ضرور ی سمجھ کر بالآخر خود انہیں کی روایت سے بھی بے نیاز بن گئے اور اپنے دین کا سارا مدار صرف ان آئمہ کی فقہ و فراست،فہم و درایت پر ہی دکھ دیا جتنا ان کی درایت پر اعتماد چاہیئے اتنا بلکہ اس سے زیادہ اور بہت زیادہ اعتماد ان کی درایت پر رکھا۔نتیجہ یہ نکلا کہ کچھ مدت کے بعد ان میں سے کسی ایک پر ہی اکتفا ہونے لگا اور شدہ شدہ نوبت یہاں تک پہنچی کہ صرف اس ایک امام کے جملہ اقوال کا ماننا ہی دین سمجھ لیا گیا۔ کتب فقہ میں ہزار ہا لوگوں کے اقوال ہیں اس غلط ذہانت سے فائدہ اٹھانے کے لئے لوگوں نے ان مسلمہ آئمہ کے اقوال الگ الگ جمع کرنے شروع کردیئے۔اس طرح الگ الگ بلکہ جداگانہ مختلف مذاہب کا اسلام میں ظہور ہو گیا چونکہ ان آئمہ کے اقوال اتنے اور ایسے نہ تھے جو انسانوں کو کافی ہو سکیں اس لئے پھر ان کے شاگردوں کے اقوال اس میں داخل