سیدنا عمر بن عبدالعزیز شخصیت اور کارنامے

ابوالقاسم ازجی نے اپنی سند کے ساتھ طرف بن عبداللہ سے روایت کیا ہے وہ کہتے ہیں کہ میں نے امام مالک رحمہ اللہ کو کہ جب ان کے سامنے اس شخص کا ذکر ہو اجو احادیث صفات باری تعالیٰ کا دفاع کرتا تھا، یہ کہتے سنا:عمربن عبدالعزیز رحمہ اللہ کہتے ہیں اور وہ اس اثر کو نبی کریم صلی اللہ علیہ وسلم سے اور آپ کے بعد آنے والے حضرات خلفائے راشدین رضی اللہ عنہم سے ذکر کرتے تھے۔ امام شاطبی رحمہ اللہ اس اثر پر گفتگو کرتے ہوئے فرماتے ہیں : ’’بے شک یہ مختصر کلام ہے جو سنت کے عمدہ اصولوں کو جمع کردیتا ہے اور اصولوں میں سے ایک وہ ہے جوبدعت کے مادوں کا قلع قمع کر دیتا ہے۔ اور ایک وہ ہے جو سنت کے پیرکار کی مدح جبکہ مخالف سنت کی مذمت بیان کرتا ہے۔ اوران میں سے ایک اصول یہ ہے کہ حضرات خلفائے راشدین رضی اللہ عنہم کاعمل کتاب وسنت کی تفسیر ہے بے شک سیّدنا عمربن عبدالعزیز رحمہ اللہ کا کلام عمدہ اصولوں اور اہم فوائد کا جامع ہے۔ ‘‘[1] امام احمد بن حنبل رحمہ اللہ اپنی کتاب ’’الرد علی الجہمیۃ ‘‘میں سیّدنا عمر رحمہ اللہ کا یہ اثر نقل کرتے ہیں :’’ جس نے اپنے دین کو خصوصات کی آماج گاہ بنا دیا اسے اکثر نقل مکانی کرنی پڑتی ہے۔‘‘[2] صفات باری تعالیٰ کی نفی اور خلق قرآن کے قول کو معتزلہ نے جہمیہ سے لیا تھا۔ ان دونوں فرقوں کے ان دو رسوائے زمانہ نکات پر اتفاق کی بنا پر بے شمار علماء نے معتزلہ کو جہمیہ کا نام دے دیا۔ اس لیے ضروری ہے اور بے حد ضروری ہے کہ گمراہ فرقوں کی گمراہی بیان کرتے وقت اور ناموں کے اطلاق کے وقت از حد احتیاط اور بیداری سے کام لیا جائے کیونکہ ایسا اکثر ہوتا ہے کہ ایک فرقہ کسی ایک گمراہ عقیدہ میں دوسرے کاہم خیال ہوتا ہے لہٰذا اگر محض کسی ایک امر میں اشتراک کی بنا پرہم ایک فرقے پر دوسرے فرقے کے نام کااطلاق کردیں گے تومعاملہ مشتبہ ہوجائے گا۔ اور منہج کبھی مستقیم نہ ہو پائے گا۔اس لیے ہر فرقہ پر اس کے صحیح نام کا اطلاق لازمی ہے اور وہ نام کسی دوسرے فرقے سے مستعار نہ ہو بے شک یہ علمی پہلو جہاں بے حد دقیق ہے وہیں ازحد سلامتی کی راہ بھی ہے۔[3] ۶…معتزلہ یہ اس فرقے کانام ہے جس نے دوسری صدی ہجری کے اوائل میں واصل بن عطاء کے ہاتھوں جنم لیا تھا۔[4] واصل نے عقائد کی بحث کو خالص عقلی منہج پر پر کھا۔ اس فرقہ کے نزدیک جملہ معارف حصول اوروجوب

[1] الاعتصام نقلا عن الآثار الواردۃ:۲/۸۲۲ [2] الرد علی الجہمیۃ للامام احمد رحمہ اللّٰه ،ص: ۶۹ [3] قضیۃ الثواب والعقاب بین مدارس الاسلامیین، ص: ۳۴۔ [4] ابو حذیفہ واصل بن عطاء بصری۔ غزاء متکلم، معتزلہ کے اکابر میں سے تھا۔ حسن بصری سے حدیث سنی ’’اضاف المرحبۃ‘‘ اور ’’معانی القرآن‘‘ وغیرہ کتابیں لکھیں ۔ معتزلہ کے چوتھے طبقہ سے تعلق رکھتا ہے، ۱۳۱ ھ میں وفات پائی۔