سیدنا عمر بن عبدالعزیز شخصیت اور کارنامے

کیا وہ شخص جو آگ میں پھینکاجائے بہتر ہے، یا جو امن کی حالت میں قیامت کے دن آئے؟ تم کرو جو چاہو۔‘‘ علماء اسلام کا طریقہ یہ تھا کہ وہ رب تعالیٰ کے اسماء و صفات کو مخلوقات کے ساتھ مماثلت کی نفی کے ساتھ ثابت کرتے تھے۔ اور یہ ثابت کرنا بلاتشبیہ کے تھا اور وہ رب تعالیٰ کی ذات کو بلاتعطیل منزہ قرار دیتے تھے۔ جیساکہ ارشاد باری تعالیٰ ہے: {لَیْسَ کَمِثْلِہٖ شَیْئٌ } (الشوریٰ: ۱۱) ’’اس جیسی کوئی چیز نہیں ۔‘‘ اس آیت میں رب تعالیٰ نے تشبیہ اور تمثیل کارد کیا ہے۔ اور ارشاد باری تعالیٰ ہے: {وَہُوَ السَّمِیْعُ البَصِیْرُ} (الشوری: ۱۱) ’’اور وہ دیکھتا اور سنتا ہے۔‘‘ کہ اس آیت میں رب تعالیٰ نے الحاداور تعطیل کا رد کیا ہے۔[1] صفات کے باب میں سیّدنا عمربن عبدالعزیز رحمہ اللہ سے متعدد آثار مروی ہیں ۔ چنانچہ آپ رب تعالیٰ کے لیے ان صفات کو ثابت کرتے تھے جن کو رب تعالیٰ نے خود اپنے لیے ثابت کیا ہے۔ آپ نے رب تعالیٰ کے لیے صفت نفس، وجہ، علم، کبریاء، قدرت، علو، معیت، قرب، مشیت، ارادہ، غضب، رضا، اور رحمت[2]وغیرہ کو ثابت کیا۔ ذیل میں اس بابت چند آثار کو ذکر کیا جاتا ہے: ۱۔صفت نفس کا اثبات: سیّدنا عمربن عبدالعزیز رحمہ اللہ نے ضحاک بن عبدالرحمن کو خط میں یہ لکھا: ’’اما بعد! ’’بے شک رب تعالیٰ نے اسلام اپنے نفس کی رضا کاسبب ٹھہرایا ہے اور یہ بات مخلوق پر اس کے کرم میں سے ہے کہ وہ اسلام کے سوا کسی دوسرے دین کو قبول نہ کرے گا۔‘‘[3] اس اثر میں صفت نفس کا اثبات ہے جس پر کتاب وسنت دلالت کرتے ہیں ۔ ارشاد تعالیٰ ہے: {وَیُحَذِّرُکُمُ اللّٰہُ نَفْسَہٗ وَاِلَی اللّٰہِ الْمَصِیْرُ} (آل عمران: ۲۸) ’’اور اللہ تمھیں اپنے آپ سے ڈراتا ہے اور اللہ ہی کی طرف لوٹ کر جاناہے۔‘‘ نبی کریم صلی اللہ علیہ وسلم رب تعالی کی ثنا بیان کرتے ہوئے فرماتے ہیں … (اے اللہ!) میں تیری ثنا بیان کرنے کو شمار نہیں کر سکتا، (بے شک) تو ویسا ہی ہے جیسے تو نے خود اپنے نفس کی تعریف بیان کی ہے۔‘‘[4] رب تعالیٰ کا نفس یہ رب تعالیٰ کی ذات مقدسہ ہے۔ جیساکہ کتاب وسنت سے ثابت ہے۔[5] لہٰذا

[1] مجموع الفتاوی: ۳/۸ [2] الآثار الواردۃ عن عمر:۱/۳۱۳۔ ۳۵۹ [3] سیرۃ عمرلابن عبدالحکم،ص:۸۶ [4] صحیح مسلم،رقم: ۴۸۶ [5] الآثار الواردۃ عن عمرفی العقیدہ: ۱/۳۱۴