سیدنا عمر بن عبدالعزیز شخصیت اور کارنامے

مراد ہے یا خاتمہ علماء کا اس کی تعین میں اختلاف ہے۔۔ چنانچہ بعض نے آغاز اور بعض نے اختتام مراد لیا ہے۔ [1] جن میں ابن حجر،[2] طیبی[3] اور عظیم آبادی[4] کا نام آتا ہے۔ علامہ عظیم آبادی رحمہ اللہ نے اس قول کو اختیار کر نے کی دلیل یہ پیش کی ہے کہ امام زہری اور امام احمد ائمہ متقدمین و متاخرین سب کا اس بات پر اجماع ہے کہ پہلی صدی ہجری کے خاتمہ پر جو شخص مجدد ہوگزرا ہے وہ عمربن عبدالعزیز رحمہ اللہ ہیں جبکہ دوسری صدی کے خاتمہ پر جو مجدد گزرے ہیں وہ امام شافعی ہیں ۔ سیّدنا عمر بن عبدالعزیز رحمہ اللہ نے چالیس سال کی عمر میں ۱۰۱ھ میں وفات پائی۔ آپ کی مدتِ خلافت محض اڑھائی سال ہے۔ جبکہ امام شافعی رحمہ اللہ نے ۲۰۴ھ میں وفات پائی۔[5] اب اگر رأس سے مراد کسی چیز کا آغاز لیا جائے تو نہ امام شافعی رحمہ اللہ مجدد بنتے ہیں اور نہ سیّدنا عمربن عبدالعزیز ہی کیونکہ سیّدنا عمربن عبدالعزیز پہلی صدی کے آغاز میں پیدا نہیں ہوئے اور نہ امام شافعی دوسری صدی ہجری کے آغاز میں پیدا ہوئے ہیں اس لحاظ سے یہ دونوں حضرات ان صدیوں کے مجدد کیونکر ہوسکتے ہیں ۔[6] حالانکہ ان دونوں کے مجدد ہونے پر اتفاق ہے۔ ج: کیا کسی کو کو مجدد تسلیم کرنے کے لیے یہ شرط ہے کہ وہ اس صدی کے اختتام پر ہی وفات پائے؟ بعض علماء نے استحقاق مجددیت کے لیے اس بات کو شرط ٹھہر ایا ہے کہ وہ شخص صدی کے آخر میں وفات پائے البتہ یہ رائے مرجوح ہے کیونکہ حدیث میں لفظ ’’بعث‘‘ آیا ہے جو ارسال، اظہار، موت، قبض اور زوال وغیرہ کے معانی پر دلالت کرتا ہے، اس لحاظ سے اس حدیث کا مفہوم یہ ہے کہ مجدد وہ ہوگا جس پر صدی کا خاتمہ ہوگا اور اس میں اس کے تجدیدی اعمال کا ظہور ہوگا۔ وہ صلاح اور تعمیمِ نفع کے وصف کے ساتھ شہرت پائے گا۔ اور یہ شرط نہیں کہ وہ صدی کے اختتام پر وفات بھی ضرور پائے۔ یایہ کہ دوسری صدی کے شروع ہونے تک زندہ رہے۔[7] د: کیاکسی صدی کا مجدد ایک ہوگا یا متعدد؟ نبی کریم صلی اللہ علیہ وسلم کے ارشاد ’’جو اس امت کے دین کی تجدید کرے گا‘‘ نے ماضی اور حاضر میں یہ سوال اٹھایا ہے کہ حدیث میں وارد لفظ ’’مَنْ‘‘ سے مراد فردِ واحد ہے یا متعدد افراد ہیں جن کے ذریعے

[1] عون المعبود: ۱۱/۳۸۶ [2] فتح الباری:۱۳/۲۹۵ [3] عون المعبود: ۱۱/۳۸۹ [4] عون المعبود: ۱۱/۳۸۷ [5] عون المعبود: ۱۱/۳۸۷ [6] التجدید فی الفکر الاسلامی،ص: ۵۸ [7] التجدید فی الفکر الاسلامی ،ص: ۶۱