سیدنا عمر بن عبدالعزیز شخصیت اور کارنامے

تک گن گاتا ہے اور آپ کو مجددیت کے اس مقام پر کھڑا کرنے میں آپ کی اس طاقتور خلافت کا بڑا ہاتھ تھا، جو بے حد مضبوط اور وسیع وعریض تھی۔ البتہ یہ امر ملحوظ رہے کہ اگرہم سیّدنا عمر بن عبدالعزیز رحمہ اللہ کے تجدیدی اور اصلاحی کارناموں کے حجم کا اندازہ کرنا چاہیں تو پہلے ہمیں اس دور کے انحرافات اور فساد اور بگاڑ کے حجم کا اندازہ کرنا ہوگا۔اورہمیں دیکھنا ہوگا کہ امت مسلمہ کی مجموعی حیات کس بگاڑ اور انقلاب کا شکار ہوچکی تھی جس سے خود امر خلافت بھی محفوظ نہ رہا تھا۔ البتہ اگرہم اس تغیر وانقلاب اور فسادو انتشار کو صرف نظام حکومت اور اس کے نتیجہ میں پیدا ہونے والے مظالم اور بے انصافیوں تک محدود کریں تویہ کسی حقیقت کا انکار نہ ہوگا کیونکہ اس دور میں عامۃ الناس کی زندگی پر ابھی تک نبوت کے انوارات کابے پناہ اثر باقی تھا اور ان کی زندگیوں پر ابھی تک دین ہی حاکم وسلطان تھا۔ اور دلوں پر دین کی ہی حکومت تھی۔[1] آیئے! ذیل کے اور اق میں ہم سیّدنا عمربن عبدالعزیز رحمہ اللہ کے تجدیدی اعمال اور اصلاحات پر اختصار کے ساتھ روشنی ڈالتے ہیں ۔ (۱)…سیّدنا عمربن عبدالعزیز رحمہ اللہ کے تجدیدی اعمال اور اصلاحات الف: شوریٰ: گزشتہ صفحات میں ہم اس موضوع پر سیر حاصل گفتگو کر چکے ہیں کہ آپ نے خلافت سنبھالتے ہی لوگوں کے سامنے سب سے پہلے بات ہی یہ رکھی کہ مجھے یہ خلافت میری اور خود عوام کی رائے کے بغیر سپرد کی گئی ہے۔ اس لیے، میں عوام کو اس بیعت سے آزاد کر کے انہیں اپنی مرضی سے خلیفہ چن لینے کا اختیار دیتا ہوں ۔ گویا کہ اپنے اس عمل سے آپ نے اپنے تجدیدی اعمال کا آغاز کر دیا کہ لوگوں کو ظالم حکومت کے پنجہ استبداد سے آزاد کردیا اور انہیں کسی ایسے حاکم کے قبول کرنے پرمجبور نہ کیا جس کا انتخاب انہوں نے خود نہ کیا ہو۔ بلکہ آپ نے معاملہ ان کے ہاتھ میں دے کر ان کو شوریٰ کے حوالے کر دیا۔[2] ب: حکومت اورعمال کی تعیناتی میں امانت وایماندار ی کو معیار بنانا: اس بابت متواتر آثار مروی ہیں کہ آپ کو آغاز خلافت سے ہی امر خلافت کی بھاری ذمہ داری کا شدت کے ساتھ احساس تھا۔ چنانچہ ایک دفعہ جب کسی نے آپ کو بے حد غم زدہ دیکھ کر اس کی وجہ پوچھی تو آپ نے جواب میں یہ کہا’’میرے جیسا آدمی کیوں نہ غم زدہ ہو، مجھے ہر وقت یہ غم کھائے جاتا ہے کہ میں امت کے ہر

[1] عمربن عبدالعزیز رحمہ اللّٰه للندوی،ص: ۱۰ [2] التجدید فی الفکر الاسلامی،ص: ۷۹ از دکتور عدنان محمد