ثواب کمانے کے مواقع

٭نیز فرمایا:﴿مُتَّکِئِیْنَ فِیْہَا عَلَی الْأرَائِکِ لَا یَرَوْنَ فِیْہَا شَمْسًا وَّلاَ زَمْہَرِیْرًا﴾[الانسان ] ’’یہ وہاں تختوں پر تکیے لگائے ہوئے بیٹھیں گے۔نہ وہاں آفتاب کی گرمی دیکھیں گے اور نہ جاڑے کی سختی۔‘‘ ٭اسی طرح فرمایا:﴿فِیْہَا سُرُرٌ مَّرْفُوعَۃٌ﴾[الغاشیۃ ] ’’ اس میں اونچے تخت ہونگے۔‘‘ (۱۴)اہلِ جنت کی عورتیں کیسی ہونگی ؟ ٭اللہ تعالی فرماتے ہیں: ﴿إِنَّا أَنْشَأْنَاہُنَّ إِنْشَآئً ٭ فَجَعَلْنَاہُنَّ أَبْکَارًا ٭ عُرُبًا أَتْرَابًا ٭ لِّأَصْحَابِ الْیَمِیْنِ﴾[الواقعۃ ] ’’ہم نے ان(کی بیویوں کو ) خاص طور پر بنایا ہے۔اور ہم نے انھیں کنواریاں بنا دیا ہے،محبت والی اور ہم عمر ہیں۔دائیں ہاتھ والوں کیلئے ہیں۔‘‘ ٭امام بغوی رحمہ اللہ نے اپنی تفسیر میں فرمان الہی﴿فَجَعَلْنَاہُنَّ أَبْکَارًا﴾’’ہم نے انھیں کنواریاں بنا دیا ہے‘‘ کے متعلق ذکر کیا ہے کہ دنیا میں بوڑھی خواتین کو بھی اللہ تعالی از سرِ نو پیدا کرے گا اور جب بھی ان کے خاوند ان کے پاس آئیں گے تو وہ انھیں ہر مرتبہ کنواریاں ہی پائیں گے۔ ٭ جبکہ حافظ ابن کثیر رحمہ اللہ فرمان الہی﴿إِنَّا أَنْشَأْنَاہُنَّ إِنْشَآئً﴾کے متعلق کہتے ہیں کہ اس سے مراد یہ ہے کہ ہم(یعنی اللہ تعالی ) نے انھیں جب دوسری مرتبہ پیدا کیا تو وہ بڑھاپے سے جوانی کو لوٹ آئیں ،پھر وہ کنواری بن گئیں۔اور