ثواب کمانے کے مواقع

’’جو شخص جنت میں داخل ہو گا وہ خوشحال رہے گا اور کبھی کوئی دکھ نہیں دیکھے گا۔وہ اس میں ہمیشہ رہے گا اور اس پر موت نہیں آئے گی۔اس کا لباس کبھی پرانا نہیں ہو گا اور اس کی جوانی کبھی ختم نہیں ہو گی۔‘‘[رواہ احمد وقال الألبانی:حسن لغیرہ،وأصلہ فی صحیح مسلم:۲۸۳۶] ٭حضرت ابو سعید الخدری رضی اللہ عنہ کا بیان ہے کہ’’اللہ تعالی نے جنت کو پیدا کیا،اس کی ایک اینٹ سونے سے اور دوسری چاندی سے اور اس کا پلاسٹر کستوری سے بنایا۔اور اس سے کہا:تم بات کرو۔تو اس نے کہا:﴿قَدْ أَفْلَحَ الْمُؤْمِنُونَ﴾’’مومن کامیاب ہو گئے ‘‘ تب فرشتوں نے کہا:تمھیں خوشخبری ہو کہ تم بادشاہوں کے گھر کی طرح ہو۔‘‘[رواہ الطبرانی والبزار وصححہ الألبانی فی صحیح الترغیب ] (۶) جنت کے بالا خانے کیسے ہونگے ؟ حضرت ابو مالک ا لأشعری رضی اللہ عنہ کا بیان ہے کہ رسول اللہ صلی اللہ علیہ وسلم نے فرمایا: (إِنَّ فِیْ الْجَنَّۃِ غُرَفًا یُرٰی ظَاہِرُہَا مِنْ بَاطِنِہَا،وَبَاطِنُہَا مِنْ ظَاہِرِہَا،أَعَدَّہَا اللّٰہُ تَعَالٰی لِمَنْ أَطْعَمَ الطَّعَامَ،وَأَلاَنَ الْکَلاَمَ،وَتَابَعَ الصِّیَامَ،وَصَلّٰی بِاللَّیْلِ وَالنَّاسُ نِیَامٌ) [رواہ احمد وابن حبان۔صحیح الجامع للألبانی:۲۱۲۳] ’’ بے شک جنت میں ایسے بالاخانے ہیں جن کا بیرونی منظر اندر سے اور اندرونی منظر باہر سے دیکھا جا سکتا ہے۔انھیں اللہ تعالی نے اس شخص کیلئے تیار کیا ہے جو کھانا کھلاتا ہو،بات نرمی سے کرتا ہو،مسلسل روزے رکھتا ہو اور رات کو اس