ثواب کمانے کے مواقع

فرمایا:’’بے شک اہلِ جنت میں سب سے نچلے درجے والا جنتی وہ ہو گا جس کے چہرے کو اللہ تعالی جہنم سے پھیر کر جنت کی طرف کردے گا اور اس کے سامنے ایک سایہ دار درخت کی طرح کوئی چیز لائے گا۔تو وہ کہے گا:اے میرے رب!مجھے تھوڑا سا آگے کردے تاکہ میں اس درخت کے سائے تلے چلا جاؤں۔(پھر پچھلی حدیث کی طرح اس کا قصہ بیان کیا۔تاہم اِس میں اضافہ کرتے ہوئے کہا:) اور اللہ تعالی اسے یاد دلائے گا کہ یہ یہ چیز مانگو۔چنانچہ جب اس کی خواہشات پوری ہو جائیں گی تو اللہ تعالی کہے گا:تمھارے لئے وہ سب کچھ ہے اور اس سے دس گنا زیادہ اور بھی۔پھر وہ اپنے گھر میں داخل ہو جائے گا جہاں موٹی آنکھوں والی حوروں سے اس کی دو بیویاں اس کا استقبال کرتے ہوئے کہیں گی:تمام تعریفیں اُس اللہ کیلئے ہیں جس نے آپ کو ہمارے لئے اور ہمیں آپ کیلئے زندہ رکھا۔پھر وہ کہے گا:جو نعمتیں مجھے دی گئی ہیں وہ کسی کو نہیں دی گئیں۔‘‘[مسلم:۱۸۸] ٭اسی طرح نبی کریم صلی اللہ علیہ وسلم کا ارشاد ہے: ’’بے شک اہلِ جنت میں سب سے نچلے درجے والے جنتی کو ایک ہزار نوکر فراہم کئے جائیں گے۔ہر نوکر کے ذمے وہ کام ہو گا جو اور کسی کے ذمے نہیں ہو گا۔‘‘ پھر آپ صلی اللہ علیہ وسلم نے یہ آیت پڑھی:﴿وَیَطُوفُ عَلَیْْہِمْ وِلْدَانٌ مُّخَلَّدُونَ إِذَا رَأَیْْتَہُمْ حَسِبْتَہُمْ لُؤْلُؤًا مَّنثُورًا﴾[الانسان:۱۹] ’’اور ان پر لڑکے دوڑتے پھر رہے ہونگے جو ہمیشہ لڑکے ہی رہیں گے۔تم انھیں دیکھو تو سمجھو کہ بکھرے ہوئے موتی ہیں۔‘‘[رواہ البیہقی وصححہ الألبانی ]