ثواب کمانے کے مواقع

’’یہ وہ لوگ ہیں جنھیں میں نے چن لیا ہے اورمیں نے ان کی عزت اپنے ہاتھ سے گاڑھ دی ہے اور اس پر مہر لگا دی ہے(یعنی اب اس میں کوئی تبدیلی نہیں ہو سکتی۔) اور ان کیلئے وہ کچھ تیار کیا ہے جسے نہ کسی آنکھ نے دیکھا ہے،نہ اس کے بارے میں کسی کان نے کچھ سنا ہے اور نہ ہی کسی انسان کے دل میں اس کا تصور آ سکتا ہے۔‘‘ اور اس کا مصداق اللہ تعالی کا یہ فرمان بھی ہے:﴿فَلاَ تَعْلَمُ نَفْسٌ مَّا أُخْفِیَ لَہُمْ مِّنْ قُرَّۃِ أَعْیُنٍ﴾’’کسی جان کو نہیں معلوم کہ ان کیلئے آنکھوں کو ٹھنڈک پہنچانے والی کونسی نعمتیں چھپا کر رکھی گئی ہیں۔‘‘[مسلم۔کتاب الایمان باب أدنی أہل الجنۃ منزلۃ فیہا:۱۸۹ ] ٭حضرت عبد اللہ بن مسعود رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:’’جنت میں داخل ہونے والا سب سے آخر ی شخص وہ ہو گا جو اس حالت میں آئے گا کہ کبھی چلے گا اور کبھی گر پڑے گا۔کبھی آگ اسے تھپیڑے مارے گی اورجب وہ اسے(آگ کو) عبور کر جائے گا تو پیچھے مڑ کر دیکھے گا اور کہے گا:بابرکت ہے وہ ذات جس نے مجھے تجھ سے نجات دے دی ہے۔یقینا اللہ نے مجھے وہ چیز عطا کردی ہے جو اس نے پہلوں اور پچھلوں میں سے کسی کو عطا نہیں کی۔پھر ایک درخت اس کے سامنے بلند کیا جائے گا تو وہ کہے گا:اے میرے رب!مجھے اس درخت کے قریب کردے تاکہ میں اس کے سائے میں چلا جاؤں اور اس کے(قریب بہتے ہوئے ) پانی سے پیاس بجھا سکوں۔ اللہ تعالی کہے گا:اے ابنِ آدم!اگر میں تیرا یہ سوال پورا کردوں تو شاید تو پھر کوئی اور سوال بھی کرے گا؟وہ کہے گا:نہیں اے میرے رب۔پھر وہ اللہ تعالی سے وعدہ