ثواب کمانے کے مواقع

دوران آپ صلی اللہ علیہ وسلم کبھی آسمان کی طرف دیکھتے اور کبھی زمین پر دیکھتے۔آپ صلی اللہ علیہ وسلم نے تین بار اوپر نیچے دیکھا۔پھر فرمانے لگے:’’تم عذابِ قبر سے اللہ تعالی کی پناہ طلب کیا کرو۔‘‘ آپ صلی اللہ علیہ وسلم نے تین بار فرمایا،پھر آپ صلی اللہ علیہ وسلم نے تین بار یہ دعا کی: (اَللّٰہُمَّ إِنِّیْ أَعُوْذُ بِکَ مِنْ عَذَابِ الْقَبْرِ )’’اے اللہ!میں عذابِ قبر سے تیری پناہ میں آتا ہوں ‘‘ پھر آپ صلی اللہ علیہ وسلم نے فرمایا:’’بے شک بندۂمومن جب دنیا سے منقطع ہو کر آخرت کی طرف جانے لگتا ہے تو آسمان سے سفید چہرے والے فرشتے اس کی طرف نازل ہوتے ہیں۔اُن کے چہرے سورج کی طرح روشن ہوتے ہیں۔ان کے ساتھ جنت کے کفنوں میں سے ایک کفن اور جنت کی خوشبوؤں میں سے ایک خوشبو ہوتی ہے۔وہ اس سے حدِ نگاہ تک دور بیٹھ جاتے ہیں۔پھر ملک الموت(علیہ السلام ) آتا ہے اور اس کے سر کے پاس بیٹھ کر کہتا ہے:اے پاک روح!تو اللہ کی مغفرت اور اس کی رضا کی طرف نکل۔آپ صلی اللہ علیہ وسلم نے فرمایا:تو اس کی روح یوں نکلتی ہے جیسے مشکیزے سے پانی کا ایک قطرہ بہہ نکلتا ہے۔پھر وہ(فرشتہ ) اسے وصول کر لیتا ہے۔[ایک روایت میں ہے کہ جب اس کی روح نکلتی ہے تو زمین و آسمان کے درمیان اوراسی طرح آسمان پر جتنے فرشتے ہوتے ہیں سب اس کی نمازِ جنازہ پڑھتے ہیں ،آسمان کے دروازے اس کیلئے کھول دئے جاتے ہیں اور ہر دروازے پر متعین فرشتے اللہ تعالی سے دعا کرتے ہیں کہ اس کی روح کو ان کے راستے سے اوپر لے جایا جائے ] پھر جب ملک الموت اس کی روح کوقبض کرلیتا ہے تو وہ فرشتے جو اس کیلئے جنت سے کفن اور خوشبو لے کر آتے ہیں اور دور بیٹھے