ثواب کمانے کے مواقع

٭اسی طرح نبی کریم صلی اللہ علیہ وسلم نے ارشاد فرمایا: ’’بے شک ایک بندہ جب لعنت بھیجتا ہے تو وہ آسمان کی طرف جاتی ہے لیکن آسمان کے دروازے اُس کے سامنے بند کردئیے جاتے ہیں۔پھر وہ زمین کی طرف آتی ہے لیکن زمین کے دروازے بھی اُس کے سامنے بند کردئیے جاتے ہیں۔چنانچہ وہ دائیں بائیں جاتی ہے لیکن جب اسے کوئی راستہ نہیں ملتا تو وہ اُس شخص کے پاس جاتی ہے جس کی طرف بھیجی گئی ہوتی ہے۔اگر وہ اُس کا مستحق ہو تو ٹھیک ورنہ اُس کے پاس واپس لوٹ آتی ہے جس کی زبان سے نکلی ہوتی ہے۔‘‘ [رواہ أبو داؤد وحسنہ الألبانی ] ٭اسی طرح نبی کریم صلی اللہ علیہ وسلم کا ارشاد گرامی ہے:’’اللہ تعالی کے پاس جتنی زیادہ رحمت ہے اگر اس کا کسی کافر کو پتہ چل جائے تو وہ جنت سے کبھی مایوس نہ ہو۔اور اللہ کے پاس جتنا زیادہ عذاب ہے اگر ایک مومن کو اس کا پتہ چل جائے تو وہ کبھی جہنم سے بے خوف نہ ہو۔‘‘[رواہ البخاری ] ٭ایمان کے ساتھ ساتھ عمل صالح کے بارے میں خلاصۂ کلام یہ ہے کہ ہمیں اللہ تعالی نے اپنی عبادت کیلئے پیدا کیا ہے اور اگر ہم اس کی اطاعت وفرمانبرداری کریں تو اس نے ہم سے اچھے بدلے کا وعدہ فرمایا ہے اور اگر ہم اس کی نافرمانی کریں تو اس نے ہمیں اپنی دردناک سزا سے بھی ڈرایا ہے۔لہذا ہم پر واجب ہے کہ ہم سنجیدگی سے ہدایت کی طرف لوٹ آئیں۔اپنی حالت کے بارے میں غور وفکر کریں اور جس طرح ہم اللہ کے حق میں کمی وکوتاہی کرتے ہیں اور کئی چیزوں میں ہم حد سے تجاوز کر جاتے ہیں اور اللہ تعالی کے احکامات کی پرواہ نہیں کرتے