ثواب کمانے کے مواقع

صفت ہے:﴿إِلَّا الَّذِیْنَ آمَنُوا﴾اور ایمان کیلئے عمل صالح لازم ہے۔اسی لئے دوسری صفت کے بارے میں فرمایا:﴿وَعَمِلُوا الصَّالِحَاتِ﴾پھر تیسری صفت ذکر کی:﴿وَتَوَاصَوْا بِالْحَقِّ﴾اس میں تمام مومنوں پر لازم قرار دیا کہ وہ آپس میں ایک دوسرے کو نصیحت کریں ،اللہ کی یاد دلائیں ،نیکی کا حکم دیں اور برائی سے منع کریں۔اس کے بعد چوتھی صفت یوں ذکر کی:﴿وَتَوَاصَوْا بِالصَّبْرِ﴾جس کا مطلب یہ ہے کہ حق کے راستے میں ان پر جو مصیبتیں آئیں ان پر وہ صبرکریں۔اگر لوگ ان سے اعراض کریں تو وہ تحمل کا مظاہرہ کریں۔اور یہ سب کچھ اِس بات کے ساتھ مشروط ہے کہ ان کا طریقہ وہی ہو جس کا اللہ نے اپنی کتاب میں حکم دیا ہے اور جو رسول اللہ صلی اللہ علیہ وسلم نے اپنی زندگی میں اختیار کیا۔‘‘ میں نے شیخ ابن باز رحمہ اللہ سے سورۃ العصر کی یہ تفسیر براہ راست سنی تھی اور اسے ذہن نشین کر لیا تھا۔ ٭اسی طرح اِس سلسلے میں اللہ تعالی کے یہ فرامین بھی مد نظر رکھیں: ﴿فَلْیَحْذَرِ الَّذِیْنَ یُخَالِفُونَ عَنْ أَمْرِہِ أَن تُصِیْبَہُمْ فِتْنَۃٌ أَوْ یُصِیْبَہُمْ عَذَابٌ أَلِیْمٌ﴾[النور:۶۳] ’’لہذا ان لوگوں کو جو اُس کے حکم کی خلاف ورزی کرتے ہیں اِس بات سے ڈرنا چاہیئے کہ کہیں ان پر کوئی آزمائش یا دردناک عذاب نہ آ جائے۔‘‘ ﴿وَیُحَذِّرُکُمُ اللّٰہُ نَفْسَہُ وَاللّٰہُ رَؤُوفٌ بِالْعِبَادِ﴾[آل عمران:۳۰] ’’اور اللہ تمھیں اپنے آپ سے ڈراتا ہے اور اللہ تعالی بندوں پر ترس کھانے والا ہے۔‘‘