ثواب کمانے کے مواقع

مومن ہو تو ایسے لوگوں کی کوشش کی قدر کی جائے گی۔‘‘ اسی طرح اُس کا فرمان ہے:﴿وَرَحْمَتِیْ وَسِعَتْ کُلَّ شَیْْئٍ فَسَأَکْتُبُہَا لِلَّذِیْنَ یَتَّقُونَ وَیُؤْتُونَ الزَّکَـاۃَ وَالَّذِیْنَ ہُم بِآیَاتِنَا یُؤْمِنُونَ ٭ الَّذِیْنَ یَتَّبِعُونَ الرَّسُولَ النَّبِیَّ الأُمِّیَّ۔۔﴾[الأعراف:۱۵۶۔۱۵۷] ’’اور میری رحمت ہر چیز کو گھیرے ہوئے ہے۔لہذا جو لوگ متقی ہیں ،زکاۃ دیتے ہیں اور ہماری آیات پر ایمان لاتے ہیں ان کیلئے میں رحمت ہی لکھوں گا۔(یہ وہ لوگ ہیں ) جو اس رسول کی اطاعت کرتے ہیں جو نبی امی ہیں۔‘‘ تو کیا ہم متقین میں سے ہیں ؟اور کیا ہم نبی کریم صلی اللہ علیہ وسلم کی سنت کے پیروکار ہیں ؟جس نے یہ ارشاد فرمایا کہ (کُلُّ أُمَّتِیْ یَدْخُلُوْنَ الْجَنَّۃَ إِلاَّ مَنْ أَبٰی،قِیْلَ:مَنْ أَبٰی یَا رَسُوْلَ اللّٰہِ!قَالَ:مَنْ أَطَاعَنِیْ دَخَلَ الْجَنَّۃَ،وَمَنْ عَصَانِیْ فَقَدْ أَبٰی)[البخاری:۷۲۸۰] ’’میری امت کے تمام لوگ جنت میں داخل ہونگے سوائے اس کے جس نے انکار کردیا۔آپ صلی اللہ علیہ وسلم سے پوچھا گیا کہ اے اللہ کے رسول! انکار کون کرتا ہے؟تو آپ صلی اللہ علیہ وسلم نے فرمایا:جس نے میری اطاعت کی وہ جنت میں داخل ہو گا اور جس نے میری نافرمانی کی اس نے انکار کردیا۔‘‘ ٭ اللہ آپ پر رحم کرے،آپ ذرا(وأشہد أن محمدا رسول اللّٰہ) کے معنی پر بھی غور کریں !علماء کا کہنا ہے کہ اس کا معنی ہے:نبی کریم صلی اللہ علیہ وسلم کے احکامات پر عمل کرنا،جن چیزوں سے آپ صلی اللہ علیہ وسلم نے منع کیا ان سے پرہیز کرنا،جن