ثواب کمانے کے مواقع

حرام کردہ چیزیں ملیں گی تو وہ ان سے اپنا دامن نہیں بچائیں گے۔‘‘ (۱۷۷)قیامت کے روز مفلس کون ہو گا ؟ حضرت ابو ہریرہ رضی اللہ عنہ سے روایت ہے کہ آپ صلی اللہ علیہ وسلم نے فرمایا: (أَتَدْرُوْنَ مَا الْمُفْلِسُ؟)’’کیا تم جانتے ہو کہ مفلس کون ہوتا ہے؟‘‘ صحابۂ کرام رضی اللہ عنہم نے جواب دیا: (اَلْمُفْلِسُ فِیْنَا مَنْ لاَّ دِرْہَمَ لَہُ وَلاَ مَتَاعَ ) ’’ہم میں مفلس وہ ہے جس کے پاس نہ درہم ہو اور نہ کوئی اور ساز وسامان۔‘‘ آپ صلی اللہ علیہ وسلم نے فرمایا:(إِنَّ الْمُفْلِسَ مِنْ أُمَّتِیْ یَأْتِیْ یَوْمَ الْقِیَامَۃِ بِصَلاَۃٍ وَصِیَامٍ وَزَکَاۃٍ،وَیَأْتِیْ قَدْ شَتَمَ ہٰذَا،وَقَذَفَ ہٰذَا،وَأَکَلَ مَالَ ہٰذَا،وَسَفَکَ دَمَ ہٰذَا،وَضَرَبَ ہٰذَا،فَیُعْطیٰ ہٰذَا مِن حَسَنَاتِہٖ،وَہٰذَا مِنْ حَسَنَاتِہٖ،فَإِنْ فَنِیَتْ حَسَنَاتُہُ قَبْلَ أَنْ یُقْضیٰ مَا عَلَیْہِ،أُخِذَ مِنْ خَطَایَاہُمْ فَطُرِحَتْ عَلَیْہِ،ثُمَّ طُرِحَ فِیْ النَّارِ )[مسلم:۲۵۸۱] ’’میری امت میں مفلس وہ ہے جو قیامت کے دن نماز،روزے اور زکاۃ لیکر آئے گا اور اس نے کسی کو گالی دی ہو گی،کسی پر بہتان باندھا ہو گا،کسی کا مال کھالیا ہو گا،کسی کا خون بہایا ہو گا اور کسی کو مارا ہو گا۔لہذا ان میں سے ہر ایک کو اس کے حق کے بقدر اس کی نیکیاں دی جائیں گی۔اور اگر ان کے حقوق پورے ہونے سے پہلے اس کی نیکیاں ختم ہو گئیں تو ان کے گناہ لے کراس کی گردن میں ڈال دئیے جائیں گے اورپھر اسے جہنم رسید کردیا جائے گا۔‘‘