کتاب: سلفیت (تعارف وحقیقت) - صفحہ 174
قلبہ دخل الجنۃ۔))[1] ’’جس نے صدق دل سے ’’لا الٰہ الا اللٰه ‘‘ کہا وہ جنت میں داخل ہوگیا۔‘‘ گویا کہ جنت میں جانے کے لیے شرط یہ ہے کہ صدق دل سے اس کلمہ کا اقرار کرے۔ اب سوال پیدا ہوتا ہے کہ اس کلمہ کا معنی کیا ہے؟ کیا صرف زبان سے اس کا ادا کردینا ہی کافی ہے یا اس کا معنی و مفہوم اچھی طرح سمجھ کر اس پر عمل کرنا ضروری ہے اور اسی کے مطابق زندگی گزارنا بھی ضروری ہے اس کلمہ کا معنی ہے ((لا معبود بحق إلا اللّٰہ)) یعنی حقیقت میں معبود صرف اللہ تعالیٰ ہے اس کے علاوہ کوئی معبود نہیں نہ حقیقی ہے نہ مجازی۔
حقیقت یہ ہے کہ بہت سے مسلمان عبادت کے صحیح مفہوم کو نہیں سمجھتے ہیں وہ یہی جانتے ہیں کہ اگر کسی نے زبان سے صرف ’’لا إلٰہ إلا اللّٰہ‘‘ کہہ دیا تو وہ مسلمان ہوگیا اور یہ اس کے لیے کافی ہوگیا۔ حالانکہ یہ صحیح نہیں ہے بلکہ عبادت کا مفہوم بہت وسیع ہے۔ عبادت ہر اس عمل کو کہتے ہیں جس کو اللہ تعالیٰ پسند کرتا ہے جس میں عظمت، تعظیم، دعائ، نذر ونیاز، حج، ذبح، توکل، نماز، روزہ، حج و زکوٰۃ ہی کا نام نہیں ہے ان کے علاوہ مذکورہ بالا چیزوں کو بھی شامل ہے۔
بعض مشرکانہ اعمال کی چند مثالیں:
مثال کے طور پر آپ دعا اور استعانت کو لے لیجیے کہ دعا کرنا اور استعانت بھی عبادت
[1] ۔ صحیح بخاری:1/25، بروایت ابوہریرۃ رضي الله عنه۔ یہی روایت صحیح بخاری: 1/62 میں انس رضی اللہ عنہ سے مرفوعاً روایت ہے: ((ما من أحد یشہد أن لا إلٰہ إلا اللّٰه وأن محمدا رسول اللّٰه صدقا من قلبہ إلا حرمہ اللّٰه علی النار۔)) ’’جو شخص صدق دل سے اس بات کی گواہی دے کہ اللہ کے سوا کوئی معبود نہیں اور محمد صلی اللہ علیہ وسلم اللہ کے رسول ہیں تو اللہ تعالیٰ اس کو جہنم پر حرام کردے گا۔‘‘ صحیح مسلم 1/56 میں ابوہریرہ رضی اللہ عنہ کی روایت ہے کہ رسول اللہ صلی اللہ علیہ وسلم نے فرمایا: ((أشہد ان لا إلہ إلا اللّٰہ وأن رسول اللہ، لا یلقی اللّٰه بہما عبد غیر شاک فیہما إلا دخل الجنۃ۔)) ’’میں گواہی دیتا ہوں کہ اللہ کے سوا کوئی معبود نہیں اور میں اللہ کا رسول ہوں جو شخص اس کلمہ پر بغیر شک و شبہ بلکہ پورے یقین کے ساتھ اللہ سے ملاقات کرے گا تو اللہ تعالیٰ جنت میں داخل کرے گا۔‘‘ اخلاص کا مطلب یہ ہے کہ اللہ کے ساتھ کسی دوسرے کو شریک نہ کرے۔ عبادت کی تمام قسموں کو صرف اللہ کے لیے خاص کردے۔ نہ درگاہوں، مزاروں پر جائے، نہ ان کو سجدہ کرے، نہ ان سے فریاد کرے، نہ ان کے نام پر ذبح کرے وغیرہ وغیرہ یہ سب صرف اللہ کے لیے ہے۔