کتاب: صحابہ کرام اور عقیدہ اہل سنت والجماعت - صفحہ 43
امام ابن بطہ رحمۃ اللہ علیہ فرماتے ہیں :’’ عشرہ مبشرہ کے لیے[ جنت کی ]گواہی دی جائے گی؛ اور ان پر فضیلت اور بہتری میں کسی کوترجیح نہیں دی جائے گی۔‘‘ [1]
[عشرہ مبشرہ]جن کا تذکرہ گزر گیا ،ان کے بعد اہل بدر کی فضیلت ہے۔ان کی فضیلت ان عمومی دلائل کی وجہ سے ہے ؛ جوکہ احادیث کی کتابوں میں مشہور ہیں ۔
امام لالکائی رحمۃ اللہ علیہ نے احمد بن جنبل رحمۃ اللہ علیہ سے روایت کیا ہے… آپ نے فرمایا:
’’اہل شوری کے بعد رسول اللہ صلی اللہ علیہ وسلم کے صحابہ میں سے اہل بدر مہاجرین ،اور پھر اہل بدر انصار ، ہجرت اور نصرت کے اعتبار سے درجہ بدرجہ ہیں ۔‘‘[2]
اور ان [اہل سنت و الجماعت فتح [صلح حدیبیہ ] سے پہلے اسلام لانے والے لوگوں کو فتح کے بعد اسلام لانے والوں فضیلت دیتے ہیں ۔یہ اللہ تعالیٰ کے اس فرمان کی وجہ سے ہے :
﴿ لاَ یَسْتَوِی مِنْکُمْ مَنْ اَنْفَقَ مِنْ قَبْلِ الْفَتْحِ وَقَاتَلَ اُوْلٰٓئِکَ اَعْظَمُ دَرَجَۃً مِّنْ الَّذِیْنَ اَنْفَقُوْا مِنْ بَعْدُ وَقَاتَلُوْا وَکُلًّا وَعَدَ اللّٰہُ الْحُسْنَی﴾۔
الحدید۱۰۔
’’جن لوگوں نے تم میں سے (مکہ ) فتح ہونے سے پہلے (اللہ کی راہ میں اپنا مال ) خرچ کیا اورجہادکیا ان کا درجہ ان لوگوں سے بڑا ہے جنھوں نے
[1] الابانۃ الصغری لابن بطۃ ۲۶۰-۲۶۱۔
[2] شرح أصول اعتقاد أہل السنۃ ۱/۱۵۹۔