صحابہ کرام اور عقیدہ اہل سنت والجماعت

حدیث ِ مترجم : اِنَّ الْحَمْدَ لِلّٰہِ، نَحْمَدُہٗ وَ نَسْتَعِیْنُہٗ وَ نَسْتَغْفِرُہٗ ،وَنَعُوْذُ بِاللّٰہِ مِنْ شُرُوْرِ أَنْفُسِِنَا وَ سَیِّئَاتِ أَعْمَالِنَا، مَنْ یَّھْدِِہٖ اللّٰہُ فَلا مُضِلَّ لَہٗ، وَمَنْ یُّضْلِلْ فَلا ھَادِيَ لَہٗ، وَأَشْھَدُ أَنْ لَّااِلٰہَ اِلَّا اللّٰہُ وَحْدَہٗ لَا شَرِیْکَ لَہٗ،وَأَشْھَدُ أَنَّ مُحَمَّداً عَبْدُہٗ وَرَسُولُہٗ۔ أَمَّـا بَعْــــــدُ : محترم قارئین ِ کرام ! السلام علیکم ورحمۃ اللہ وبرکاتہ‘ ۔ بیشک یہ اس امت کا بہت بڑا شرف اور سعادت ہے کہ اللہ تعالیٰ نے قرآن کو کتابِ ہدایت و نصیحت بناکر نازل فرمایا؛ اور اس کتاب مقدس کی حفاظت کی ذمہ داری بھی خود لی ۔ اور اس کی نشرو اشاعت اور تبلیغ کے لیے اپنے نبی کو وہ ستودہ صفات ساتھی ؛ وزیر اور مشیر مہیا کیے جو انبیاء کرام علیہم السلام کی جماعت کے بعد اللہ کی اس زمین پر سب سے بہترین لوگ تھے۔ جنہوں نے پیغمبر صلی اللہ علیہ وسلم پر قرآن نازل ہونے کا مشاہدہ کیا ۔ رسول اللہ صلی اللہ علیہ و سلم پر ایمان لائے ‘ اور اس قرآن کی تفسیر نبوت والی مبارک زبان سے سیکھی؛ پھر اس کی حفاظت کا حق ایسے ادا کیا کہ اگر قیامت تک آنے والے لوگ مل کر اس مقام ومرتبہ کو حاصل کرنا چاہیں تو تب بھی محال اور نا ممکن ہے۔ اس لیے کہ ان لوگوں نے اپنا تن من دھن سب کچھ اس راہ میں قربان کردیا ۔ اور اس دعوت کا پھریرا لیکر دنیابھر میں نکل گئے ؛اور جہاں تک