صدارتی خطبات(رحمانی)

بِسْمِ اللّٰہِ الرَّحْمٰنِ الرَّحِیْمِ الحمد للہ رب العالمین والصلاۃ والسلام علی أفضل الرسل والمبعوثین و علی آلہ وأصحابہ وأھل طاعتہ أجمعین و بعد : سامعین حضرات ! السلام علیکم و رحمۃ اللہ وبرکاتہ اللہ تعالیٰ کی سب سے اعلیٰ نعمت آج اگر میں اللہ تعالیٰ کے انعامات و احسانات پر نظر ڈالوں تو مجھے سب سے قیمتی اور ارفع و اعلیٰ نعمت یہی دکھائی اور سجھائی دیتی ہے کہ اس ذات جل و علانے ہمیں مسلک اہل حدیث عطا فرمایا ہے جو ایک سچا،سُچا اور کھرا مسلک ہے جس کی صرف دو ہی بنیادیں ہیں ایک کتاب اللہ اور دوسری سنت رسول اللہ ۔ جس کے صرف دو ہی اصول ہیں : [اَطِيْعُوا اللہَ وَاَطِيْعُوا الرَّسُوْلَ ][1] حضرات! میں مسلک اہلحدیث کے سچا اور کھرا ہونے کی بات اس لئے نہیں کر رہا کہ یہ میرا یا میرے آباء و اجداد یا میرے بزرگوں اور جماعتی دوستوں کا مسلک ہے ۔ ہر گز نہیں ! دین اسلام میں صداقت کی یہ بنیا دیں قطعاًنہیں ہیں بلکہ دین نے تو ان بنیادوں کی بیخ کنی کی ہے ۔ [وَاِذَا قِيْلَ لَہُمُ اتَّبِعُوْا مَآ اَنْزَلَ اللہُ قَالُوْا بَلْ نَتَّبِــعُ مَآ اَلْفَيْنَا عَلَيْہِ اٰبَاۗءَنَا۰ۭ اَوَلَوْ كَانَ اٰبَاۗؤُھُمْ لَا يَعْقِلُوْنَ شَـيْــــًٔـا وَّلَا يَہْتَدُوْنَ][2] ترجمہ:اور ان سے جب کبھی کہا جاتا ہے کہ اللہ تعالیٰ کی اتاری ہوئی کتاب کی

[1] محمد:۳۳ [2] البقرۃ:۱۷۰