صدارتی خطبات(رحمانی)

آپ صلی اللہ علیہ وسلم کے گھر پہنچ گئے ،اور ام المؤمنین سے آپ صلی اللہ علیہ وسلم کی رات کی عبادت کی بابت استفسار کیا،حدیث کے الفاظ ہیں:(فلما أخبروا کأنھم تقالوھا)یعنی:جب انہیں رسول اللہ صلی اللہ علیہ وسلم کے قیام اللیل کی خبر دی گئی تو انہوں نے اسے تھوڑا سمجھا، بلکہ ایک شخص نے یہاں تک کہہ دیا:(وأین نحن من رسول اللہ صلی اللہ علیہ وسلم ؛إن اللہ قد غفر لہ ما تقدم من ذنبہ وما تأخر)یعنی: بھلاہمارا رسول اللہ صلی اللہ علیہ وسلم سے کیا مقابلہ؟ آپ کیلئے تو قدم قدم پر اللہ تعالیٰ کی بشارتیں موجود ہیں۔(لہذا ہمیں رسول اللہ صلی اللہ علیہ وسلم سے زیادہ عبادت کرنی چاہئے۔)چنانچہ ایک شخص نے کہا: (أماأنا فأقوم ولا أنام ) یعنی:میں آج کے بعد رات بھر کا قیام کرونگا اور بالکل نہ سؤونگا۔دوسرے نے کہا:(أما أنا فأصوم ولاأفطر)یعنی: میں آج کے بعد ہمیشہ روزے رکھوں گا اور کبھی ناغہ نہیں کرونگا۔تیسرے نےکہا:(أما أنا فلا أتزوج النساء )یعنی:میں کبھی شادی نہ کرونگا۔ جب رسول اللہ صلی اللہ علیہ وسلم گھر لوٹے اور آپ صلی اللہ علیہ وسلم کو ان تینوں افراد کی باتیں بتائی گئیں توآپ صلی اللہ علیہ وسلم کا چہرۂ انور غصہ سے اس قدرسرخ ہوگیا کہ جیسے انار نچوڑ دیا گیا ہو، پھر آپ صلی اللہ علیہ وسلم نے انہیں طلب فرمالیا اور ان کی اصلاح فرمائی، بلکہ بعض احادیث میں یوں وارد ہےکہ آپ صلی اللہ علیہ وسلم منبر پرجلوہ گرہوئے اور لوگوں کے بڑے اجتماع میں فرمایا: (ما بال أقوام یقولون کذا أما إنی أعلمکم باللہ وأتقاکم للہ ،أما إنی لأصوم وأفطر ،وأقوم وأنام ،وأتزوج النساء ، فمن رغب عن سنتی فلیس منی) یعنی:لوگوں کو کیا ہوگیا کہ عبادت کے تعلق سے اس قسم کی باتیں کرتے ہیں، خبردار! اللہ تعالیٰ اور اس کے دین کا سب سے بڑا عالم میں ہوں اور اس کائنات کا سب سے بڑا متقی بھی میں ہوں، خبردار! میرا طریقہ یہ ہے کہ میں روزے بھی رکھتاہوں اور ناغے بھی