صدارتی خطبات(رحمانی)

وگرنہ لعنت کرنے والے کی طرف لوٹ جاتی ہے۔ وعن ابن مسعود رضی اللہ عنہ أن النبی صلی اللہ علیہ وسلم قال:سباب المؤمن فسوق، وقتالہ کفر .[1] ترجمہ:ابن مسعود رضی اللہ عنہ سے مروی ہے رسول اللہ صلی اللہ علیہ وسلم نے فرمایا:کسی مسلمان کو گالی دینا گناہ ہے اور اسے قتل کرنا کفر ہے۔ وعن ابی ذر رضی اللہ عنہ أنہ سمع رسول ﷲ صلی اللہ علیہ وسلم یقول :لایرمی رجل رجلا بالفسق أو الکفر ،إلا ارتدت علیہ، ، إن لم یکن صاحبہ کذلک. [2] ترجمہ:ابوذر رضی اللہ عنہ سے مروی ہے انہوں نے رسول اللہ صلی اللہ علیہ وسلم کو یہ کہتے ہوئے سنا :نہیں کوئی شخص کسی پر کفر یا فسق کا الزام لگاتا مگر وہ الزام اسی پر واپس پلٹ آتاہے اگر وہ (جس پر الزام لگایاگیا ہے)اس کا مستحق نہیں ہے ۔ وعن أنس رضی اللہ عنہ أن النبی صلی اللہ علیہ وسلم قال: لا تباغضوا، ولا تحاسدوا ، ولا تدابروا، ولا تقاطعوا، وکونوا عباد ﷲ إخوانا ، ولایحل لمسلم أن یھجر أخاہ فوق ثلاث . [3] ترجمہ:انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:نہ ایک دوسرے سے بغض رکھو ،اور نہ حسدکرو ،اور نہ ایک دوسرے سے پیٹھ پھیرو، اور نہ ایک دوسرے سے قطع تعلقی کرو، اور اے اللہ کے بندو!بھائی بھائی ہوجاؤ۔کسی مسلمان کیلئے حلال نہیں کہ اپنے بھائی کو تین دن سے زیادہ چھوڑے ۔

[1] بخاری،الرقم:۶۰۴۴؍مسلم ،الرقم:۶۴ [2] رواہ البخاری ،الرقم:۶۰۴۵ [3] بخاری،الرقم:۶۸۵؍مسلم الرقم:۲۵۵۸