صدارتی خطبات(رحمانی)

حدیث میں ہے کہ قیامت کے دن اللہ تعالیٰ ہر ایک سے بر اہ راست بغیر کسی ترجمان کے باتیں کرے گا ، اور یہ اہم ترین نکتہ ہے۔ اللہ تعالیٰ کا فرمان : [وَيَوْمَ يُنَادِيْہِمْ فَيَقُوْلُ مَاذَآ اَجَبْتُمُ الْمُرْسَلِيْنَ][1] ( اللہ تعالیٰ لوگوں سے سوال کرے گا کہ تم نے میرے نبیوں کی دعوت کا کیا جواب دیا ) بہرحال یہ بات واضح ہوچکی کہ صراط مستقیم وحی الہٰی ہے ( اور وحی دو چیزوں سے عبارت ہے ایک قرآن دوسر ی حدیث ) یہ وحی بالکل واضح ہے کیونکہ رسول اللہ صلی اللہ علیہ وسلم کا فرمان ہے: ’’ قد ترکتکم علی البیضا ء‘‘[2] یعنی جو راستہ میں نے تمہیں دیا ہے وہ بیضاء یعنی بالکل چمکدار اور روشن ہے جس میں اندھیرا اور تاریکی بالکل نہیں ، بڑا روشن راستہ ہے۔ اللہ تعالیٰ کا فرمان ہے : [وَلَقَدْ يَسَّرْنَا الْقُرْاٰنَ لِلذِّكْرِ فَہَلْ مِنْ مُّدَّكِرٍ][3] ترجمہ ( اور بے شک ہم نے قرآن کو سمجھنے کے لئے آسان کر دیا پس کیا کوئی نصیحت حاصل کرنے والا ہے ؟) قرآن نصیحت ہے اور نصیحت آسان ہونی چاہئے ، ناصح نصیحت کرے ایسے پیرائے میں کہ منصوح کو کوئی بات پلے نہ پڑے ، تو یہ ناصح کا کمال ہے یا اس کا عیب ہے ؟ اللہ تعالیٰ

[1] القصص:۶۵ [2] مسنداحمد،الرقم:۱۷۲۷۲،ابن ماجہ،الرقم:۴۳ [3] القمر:۱۷