سعادۃ الدارین ترجمہ تعلیقات سلفیہ برتفسیر جلالین

۱: وکفلہا زکریا سورۃ آل عمران،آیت نمبر(۳۷)﴾ ۲: تساء لون بہ سورۃ النساء،آیت نمبر(۱)﴾ ۳: وھو الذی یرسل الریاح بشرا سورہ اعراف۔آیت نمبر(۵۷)﴾ تنبیہ(۲) زیر نظر تعلیقات(کے اصل عربی متن)میں حاشیہ نگاروں سے کہیں کہیں سہو ہوا ہے،راقم نے اس قسم کے محل نظر مقامات کی نشاندہی مع تصحیح مکتبہ دارالسلام کے ذمہ داروں کے پاس بھیج دیا تھا۔انہوں نے اگلے ایڈیشن میں اصلاح کا وعدہ کیا تھا۔زیر نظر ترجمہ میں ان مقامات پر فرو گذاشتوں کی وضاحت کر دی گئی ہے۔خصوصاً اواخر قرآن میں کئی سورتوں کے آغاز میں مفسر کے ذریعہ ان سورتوں کی آیتوں کی بتائی گئی تعداد پر حاشیہ نگاروں کی تردید یا استعجاب کے موقع پر۔ اس تعلق سے واضح رہے کہ آیت شماری ایک مستقل فن ہے جو عربی زبان میں(عد الآي)کے اصطلاحی نام سے جانا جاتا ہے۔اس فن میں نظم ونثر میں متعدد قدیم و جدید کتابیں موجود ہیں اور یہ فن قرآنی تخصص کے طلبہ کو باقاعدہ پڑھایا جاتا ہے۔ جس طرح قراء ات میں قراء سبعہ اور قراء عشرہ مشہور ہیں اسی طرح فن(عد الآی)میں بھی الگ الگ تعداد کے ساتھ قراء وعلماء اپنی اپنی شناخت رکھتے ہیں۔مثلاً العدد المدنی،العدد المکی،العدد البصری،العدد الشامی،العدد الکوفی۔ قراء سبعہ میں سے عاصم،حمزہ اور کسائی تینوں کوفی ہیں،تفسیر یا عدی الآی کے تعلق سے جب ’’ کوفی‘‘ کا لفظ بولا جاتا ہے تو اس میں یہ تینوں شامل ہوتے ہیں۔اس مجموعے(العددالکوفی)کی آیت شماری کے مطابق قرآنی آیتوں کی مجموعی تعداد(۶۲۳۶)ہے۔بر صغیر بلکہ مشرق وسطی کے بیشتر ممالک میں حفص عن عاصم کی قراء ت پر قرآن پڑھا اور لکھا جاتا ہے اور عاصم کوفی قراء میں سے ہیں لہٰذا ا ٓیات کے شمار میں بھی وہ ’’العدد الکوفی‘‘