رزق اور اس کی دعائیں

۲۳-۲: امام بخاری اور امام مسلم نے حضرت انس رضی اللہ عنہ کے حوالے سے حضرت امِّ سُلَیم رضی اللہ عنہا سے روایت نقل کی ہے، (کہ) بلاشبہ انہوں نے عرض کیا: [’’یا رسول اللہ صلی اللہ علیہ وسلم ! انس: آپ کا خادم، اللہ تعالیٰ سے اُس کے لیے دعا کیجئے۔‘‘ آنحضرت صلی اللہ علیہ وسلم نے (دعا کرتے ہوئے) کہا: ’’ اَللّٰھُمَّ أَکْثِرْ مَالَہٗ وَوَلَدَہٗ، وَبَارِکْ لَہٗ فِیْمَآ أَعْطَیْتَہٗ ‘‘[1] [’’ اے اللہ! اس کے مال اور اولاد کو زیادہ کر دیجیے اور آپ نے اسے جو کچھ عطا فرمایا ہے، اُس میں اُس کے لیے برکت فرما دیجیے‘‘]۔ تنبیہ: یہ دعا اپنے لیے حسبِ ذیل الفاظ کے ساتھ پڑھی جائے گی: ( [اَللّٰہُمَّ أَکْثِرْ مَالِيْ وَوَلَدِيْ، وَبَارِکْ لِيْ فِیْمَآ أَعْطَیْتَنِيْ۔] [اے اللہ! میرے مال اور اولاد کو زیادہ کردیجیے اور آپ نے مجھے جو کچھ دیا ہے، اس میں میرے لیے برکت فرمادیجیے۔] اپنے ساتھ کسی دوسرے شخص یا اشخاص کو دعا میں شامل کرنے کی صورت میں کہے: ( [اَللّٰہُمَّ أَکْثِرْ أَمْوَالَنَا وَ أَوْلَادَنَا، وَبَارِکْ لَنَا فِیْمَآ أَعْطَیْتَنَا۔] [اے اللہ! ہمارے مالوں اور اولادوں کو زیادہ کر دیجیے اور آپ نے ہمیں جو کچھ دیا ہے، اُس میں ہمارے لیے برکت فرما دیجیے]۔ ۲۴-۳: حضراتِ ائمہ احمد، بخاری اور ابو یعلٰی نے حضرت انس رضی اللہ عنہ سے روایت نقل کی ہے، کہ نبی کریم صلی اللہ علیہ وسلم نے ام سُلَیم رضی اللہ عنہما کی فرمائش پر انس رضی اللہ عنہ کے لیے دعا کرتے ہوئے کہا:

[1] متفق علیہ: صحیح البخاري، کتاب الدعوات، باب الدعآء بکثرۃ المال والولد مع البرکۃ، رقم الحدیثین ۶۳۷۸ و ۶۳۷۹، ۱۱/۱۸۲؛ و صحیح مسلم، کتاب فضآئل الصحابۃ، باب من فضآئل أنس بن مالکt، رقم الحدیث ۱۴۱۔(۲۴۸۰)،۴/۱۹۲۸۔ الفاظِ حدیث صحیح البخاری کے ہیں۔