رُشد شمارہ 1

ہے کہ اجتہاد، مجتہد اور فقیہ ہی کی طرف سے ہوتا ہے۔گویا کہ امام غزالی رحمہ اللہ کی تعریف کو مختصر کیا گیاہے ۔ الشیخ محمد الخضری بک نے بھی امام غزالی ہی کی تعریف کو بیان کیا ہے۔ [1] ڈاکٹر عبد الکریم زیدان رحمہ اللہ (متوفی2014م)نے امام غزالی ہی کی تعریف میں’طریق استنباط‘ کے لفظ کا اضافہ کیا ہے جو اس تعریف کا ارتقاء ہے۔ [2] شیخ عبد اللہ بن صالح الفوزان حفظہ اللہ نے امام غزالی کی تعریف میں’ طریق استنباط‘ کے ساتھ’دلائل شرعیہ‘کی قید کا بھی اضافہ کیا ہے جو اس تعریف کا مزید بیان ہے۔ [3]شیخ عبد اللہ بن یوسف الجدیع حفظہ اللہ نے شیخ صالح الفوزان ہی کی تعریف نقل کی ہے۔ [4] ساتویں تعریف ابن رشد الحفید رحمہ اللہ (متوفی 595ھ)نے اپنی تعریف اجتہادمیں اجتہاد کے مناہج اور اسالیب کو نمایاں کیا ہے۔ وہ لکھتے ہیں: "أما الاجتهاد فهو بذل المجتهد وسعه في الطلب بالآلات التي تشترط فیه"[5] یعنی اجتہاد سے مراد کسی مجتہد کا کسی شرعی حکم کی تلاش میں ان آلات(طرق وذرائع)کے ساتھ اپنی صلاحیتوں کو کھپا دینا‘ جو کہ اجتہادمیں بطور شرط مقرر کیے گئے ہیں۔ آٹھویں تعریف فخر الدین الرازی رحمہ اللہ (متوفی 606ھ)لکھتے ہیں: " فهو استفراغ الوسع في النظر فیما لا یلحقه فیه لوم مع استفراغ الوسع فیه" [6] یعنی کسی چیز میں غور وفکر کرتے ہوئے اپنی صلاحیت کو اس درجے کھپا دینا کہ اس بارے میں کوئی ملامت باقی نہ رہے ، اجتہاد کہلاتا ہے۔سراج الدین ارموی رحمہ اللہ (متوفی 682ھ)نے بھی اسی تعریف کو اختیار کیا ہے ۔[7] شہاب الدین القرافی رحمہ اللہ (متوفی 684ھ)نے بھی تقریباًیہی تعریف بیان کی ہے ۔ [8]

[1] محمد الخضري بك ، أصول الفقه: ص367، المکتبة التجاریة الکبرى، مصر، طبعة سادس، 1969ء [2] زیدان، عبد الکریم، الدکتور، الوجیز فی اصول الفقہ: ص401، فاران اکیڈمی، لاہور [3] الفوازن، عبد الله بن صالح ، خلاصة الأصول: ص28، المکتبة الشاملة، الإصدار الثالث، المكة المكرمة [4] عبد الله بن یوسف الجدیع، تیسیر علم أصول الفقه: ص306، مکتبة الشاملة، مكة المكرمة [5] ابن رشد، محمد بن أحمد، القرطبي، الأندلسی الحفید، الضروري في أصول الفقه: ص137، دار الغرب الإسلامي، بیروت [6] رازي، فخر الدین محمد بن عمر بن الحسین، إمام، المحصول: 6/ 7، جامعة الإمام، الریاض [7] أرموی، سراج الدین محمود بن أبي بکر، التحصیل من المحصول: ص281، مؤسسة الرسالة، بیروت [8] القرافي، شهاب الدین أحمد بن إدریس، نفائس الأصول في شر ح المحصول: 9/ 3972