رُشد شمارہ 1

دیا ہے۔[1] ڈاکٹر خالد بن علی المشیقح حفظہ اللہ نے اسی تعریف میں ’جہد‘ کے لفظ کو ’الوسع‘ سے بدل دیاہے۔ [2] استاذ علی حسب اللہ حفظہ اللہ نے اس تعریف میں ’فقیہ‘ کے لفظ کا اضافہ کیا ہے اور لفظ’استفراغ‘کی بھی مزید وضاحت کی ہے۔ وہ فرماتے ہیں: "وفي اصطلاح الأصولیین بذل الفقیه جهده في استنباط حکم شرعی من دلیله على وجه یحس فیه العجز عن المزید" [3] یعنی أصولیین()کی اصطلاح میں کسی شرعی حکم کو اس کی دلیل سے مستنبط کرنے کے لیے کسی فقیہ کا اپنی طاقت کو اس طرح کھپا دینا کہ اس سے زائد کوشش کرنے سے اس کا نفس عاجز ہو۔‘‘ شیخ عبد الوھاب خلاف نے استاذ علی حسب اللہ رحمہ اللہ (متوفی1375ھ)کی اس تعریف کو نقل کرتے ہوئے لفظ’ دلائل‘ کی مزید وضاحت کر دی ہے کہ وہ’ تفصیلی دلائل ‘ ہوں۔ [4] استاذ مصطفی الزرقا نے بھی ایسی ہی تعریف بیان کی ہے ۔ وہ فرماتے ہیں: "الاجتهاد: هو عملیة استنباط الأحکام الشرعیة من أدلتها التفصیلیة في الشریعة" [5] یعنی اجتہاد شرعی احکام کو شریعت میں موجود تفصیلی(جزئی)دلائل سے اخذ کرنے کے عمل کا نام ہے ۔ علامہ محمد عبد الغنی الباجقنی نے استاذمصطفی الزرقا کی اس تعریف کو بیان کرتے ہوئے’ فقیہ‘ کی شرط بھی بڑھا دی ہے۔[6] عبد الوھاب عبد السلام طویلۃ حفظہ اللہ نے بھی ’فقیہ‘ کی قید کے ساتھ اسی تعریف کو اختیار کیا ہے۔[7] اسی تعریف کو الفاظ کی کچھ تقدیم وتاخیر کے ساتھ شیخ ولید بن راشد السعیدان حفظہ اللہ نے بھی بیان کیا ہے۔[8] شیخ محمد بن حسین بن حسن الجیزانی حفظہ اللہ نے بھی اسی تعریف کو بیان کیاہے لیکن فقیہ کی قید نہیں لگائی ہے۔ [9]

[1] ابن قطلوبغا، زین الدین قاسم، خلاصة الأفکار شرح مختصر المنار: ص229 [2] خالد بن علی المشیقح، الدکتور، شرح رسالة ابن سعدی في الأصول: ص125، المکتبة الشاملة، الإصدار الثالث، مكة المكرمة [3] علي حسب الله، أصول التشریع الإسلامي: ص87، دار المعارف، مصر، الطبعة الخامسة، 1976ء [4] خلاف، عبد الوهاب شیخ، أصول الفقه الإسلامي: ص257، المکتبة الإسلامیة، إستانبول [5] أصول الفقه الإسلامي للزحیلي :2/ 1039، مکتبة رشیدیة، کوئته [6] باجقني، محمد عبد الغني، الوجیز المیسر في أصول الفقه المالکي: ص141، الطبعة الثالثة، 2005ء [7] طویلة، عبد الوهاب عبد السلام، شیخ، أثر اللغة في اختلاف المجتهدین: ص30، دارالسلام [8] ولید بن راشد السعیدان، مختصر في أصول الفقه: ص19، المكتبة الشاملة، الإصدار الثالث، المكة المكرمة [9] جیزاني، محمد بن حسین بن الحسن، معالم أصول الفقه عند أهل السنة والجماعة: ص464، دار ابن الجوزي، الطبعة الخامسة، 1427ھ