رُشد شمارہ 1

الحصول ہو، کیونکہ اللہ تعالیٰ ہمیں صرف اسی چیز کا مکلف بناتے ہیں کہ جس کی ہم طاقت رکھتے ہیں اور جس شرعی حکم کے وجود کا علم تمام لوگوں کے لیے ناممکن الحصول ہو تو اللہ تعالی نے اس کا ہمیں کبھی بھی مکلف نہیں بنایا۔ [1] چوتھی تعریف امام الجوینی المعروف بامام الحرمین (متوفی 478ھ)لکھتے ہیں: "وأما الاجتهاد فهو بذل الوسع في بلوغ الغرض" [2] یعنی اجتہاد سے مرادکسی مقصودتک پہنچنے کے لیے اپنی طاقت کھپا دینا ہے۔ شیخ عبد اللہ بن صالح الفوزان﷾ اس تعریف کی شرح کرتے ہوئے لکھتے ہیں کہ ’’یہ اجتہادکی عام تعریف ہے جو اس کی لغوی تعریف کے قریب ہے۔پس اس تعریف میں حکم شرعی کی قید لگانا ضروری ہے کیونکہ امام صاحب کی مراد اجتہاد کی بحث ہے جو کسی شرعی حکم کے اثبات کا طریقہ ہے۔پس اس تعریف میں غرض سے مراد مطلوب شرعی حکم ہے۔ ‘‘[3]شیخ فیصل بن عبد العزیز آل مبارک (متوفی 1376ھ )نے بھی امام جوینی کی تعریف کو اختیار کیا ہے۔ [4] امام ابو اسحاق شیرازی(متوفی 476ھ)نے اس تعریف کو نسبتاً وضاحت سے بیان کیا ہے۔ وہ لکھتے ہیں: "استفراغ الوسع وبذل المجهود في طلب الحکم الشرعي" [5] یعنی کسی شرعی حکم کی تلاش میں اپنی قوت کو صرف کرنا اور اپنی صلاحیتوں کو پوری طرح کھپا دیناہے۔‘‘ یہ تعریف دراصل مذکورہ بالا تعریف کا ارتقاء اور بیان ہے۔اس تعریف میں ’غرض‘ کی تشریح ’حکم شرعی‘ سے کی گئی ہے۔امام ابن العربی المالکی (متوفی 543ھ)نے اسی تعریف میں ’غرض‘ کی جگہ ’صواب‘ کے لفظ کو بیان کیاہے ۔ [6]

[1] الإحکام في أصول الأحکام:8/587 [2] جويني، عبد الملك بن عبد الله ، أبو المعالي، الورقات في أصول الفقه:ص31، المکتبة الشاملة، الإصدار الثالث، مكة المكرمة [3] الفوزان، عبد الله بن صالح الشیخ، شرح الورقات في أصول الفقه: ص150، دار المسلم، الریاض، الطبعة الثالثة، 1996ء [4] فیصل بن عبد العزیز، آل مبارك الشیخ، مقام الرشاد بین التقلید والاجتهاد: ص26، المکتبة الشاملة، الإصدار الثالث، مكة المكرمة [5] شیرازي، إبراهیم بن علي بن یوسف الفیروز آبادی، أبو إسحاق، اللمع في أصول الفقه: ص72، دار الکتب العلمیة، بیروت، الطبعة الأولى، 1405ھ [6] ابن العربي، محمد بن عبد الله بن العربي، أبوبکر المالکي الأندلسي، أصول الفقه: ص78، المکتبة الشاملة، الإصدار الثالث، مكة المكرمة