رُشدقرأت نمبر 2

غورفرمائیے ان متجددین کواکثر شکوہ ہوتاہے کہ علمائے کرام باہم ایک دوسرے پر فتوی بازی کا شغل کرتے ہیں ، ایک دوسرے کو گمراہ کہتے اورامت میں تفریق پیداکرتے ہیں جبکہ اسی مسئلہ قراءت میں تمام علمائے اُمت متفق ہیں مگریہ متجددین ان کے برعکس دانستہ یانادانستہ طورپر کروڑں مسلمانوں کوقرآن سے محروم قراردے کر انہیں گمراہ اورگم گشتہ راہ قرار دینے پر ادہار کھائے بیٹھے ہیں ۔ آپ کایہ قراءات نمبر بلاشبہ ان فتنہ پردازوں کی دسیہ کاریوں کو تشت ازبام کرنے میں سنگ میل کی حیثیت رکھتاہے﴿ لِیَہْلَکَ مَنْ ہَلَکَ عَنْ بَیِّنَۃٍ وَیَحْیَی مَنْ حَیَّ عَنْ بَیِّنَۃٍ﴾ اللہ تعالیٰ آپ کی تمام مساعی حسنہ کوقبول فرمائے ۔قراءات نمبرکے حصہ ثانی کا انتظار شدت سے رہے گا اللہ سبحانہ وتعالیٰ اس کی جلد تکمیل واشاعت کی توفیق عطاء فرمائے اوراس راہ کی مشکلات کو’اپنی کرم نوازیوں سے ‘ دورفرمائے ۔آمین اِرشاد الحق اثری مدیر اِدارہ علوم اثریہ،فیصل آباد ٭٭٭ الحمد اللّٰہ الذی أنزل الفرقان علی عبدہ لیکون للعالمین نذیرا والصلاۃ والسلام علی خاتم النبیین القائل((خیرکم من تعلم القرآن وعلمہ)) وعلی آلہ صحبہ ومن تبعہم بإحسان واقتفیٰ أثرہم إلی یوم الدین أما بعد مجھے اس مجلہ ’رشد‘ کے مطالعہ کرنے کا موقع ملا۔الحمد للہ میں نے اسے قراءات قرآن کے خاص علمی مسائل سے مزین پایا ہے۔یہ مسائل اور موضوعات اس فن میں بہت اچھے اور نفع بخش ہیں اور ہر علم دین کے متلاشی کو اس کی ضرورت ہے۔مقالے کو لکھنے والے اپنے فن میں ماہر ہیں اورمیں اس کی گواہی دیتا ہوں کہ وہ اس ملک اور بیرونی دنیا میں اہل علم وفضل اور محقق ہیں ۔میں اس مجلہ کے پڑھنے والوں سے گذارش کرتاہوں کہ وہ اس کا اہتمام کرنے والوں کے ساتھ بھر پور تعاون فرمائیں ۔ سب مل کر اس علم نفیس کو آگے پھیلائیں بلکہ سب دینی مدارس کایہ فرض بنتا ہے کہ وہ اس کو تدریساً اور تحقیقاً مزید آگے پھیلائیں ۔ کیونکہ یہ علم قرآن سے متعلق ہے اور جو لوگ قرآن کی خدمت کرنے میں اپنی زندگیاں صر ف کرتے ہیں وہ اللہ تعالیٰ کے نزدیک افضل وبہتر ہیں ۔آخر میں اللہ تعالیٰ سے دعا کرتا ہوں کہ وہ اس مجلہ کا اہتمام کرنے والوں کو جزا ئے خیر عطا فرمائے۔ اور ان کی علمی کاوشوں میں برکت دے۔ آمین پروفیسر ڈاکٹر محمد الیاس بن محمد انور اسسٹنٹ پروفیسر قرآن ڈیپارٹمنٹ کنگ خالدیونیورسٹی ابھا، سعودی عرب ٭٭٭ یفرح المرء متی وجد بغیتہ،ویشتد الفرح بہجۃ إذا جاء ت بغیتہ من غیر مظانہا،أو جاء ت بعد انتظار طویل وہذا ما لمستہ فی مجلۃ(رشد) فی عددہا الخاص بالقراءات،الذی أصدرتہ کلیۃ القرآن والعلوم الإسلامیۃ بجامعۃ لاہور الإسلامیۃ بباکستان